قازاقستاننىڭ گەولوگيا سالاسىنىڭ كورنەكتى وكىلى اسقار شامەنوۆ پەن ونىڭ ەكى بالاسى جول اپاتىنان كوز جۇمدى. بۇل تۋرالى قر يدم گەولوگيا كوميتەتى مالىمدەدى، دەپ حابارلايدى “ادىرنا” ۇلتتىق پورتالى.
30 شىلدەدە اسقار شامەنوۆ وتباسىمەن جول اپاتىنا ءتۇستى. اسقار امانگەلدىۇلى، ۇلكەن ۇلى الىشەر مەن قىزى اليما العان جاراقاتتارىنان قايتىس بولدى. ايەلى مەن كىشى ۇلى ءتۇرلى جاراقاتتارمەن اۋرۋحاناعا جەتكىزىلدى، - دەپ حابارلادى ۆەدومستۆو.
سونداي-اق، مينيسترلىك اسكار شامەنوۆ كورگەنى كوپ، تاجىريبەلى مامان بولعانىن حابارلادى. ودان بولەك، «جەر قويناۋىن بارلاۋ ۇزدىگى»، «قۇرمەتتى جەر قويناۋىن بارلاۋشى»، III دارەجەلى «ەڭبەك داڭكى»، III دارەجەلى «كەنشى داڭقى»، «قازاقستان تاۋەلسىزدىگىنە 25 جىل» سەكىلدى مەملەكەتتىك ناگرادالارمەن ماراپاتتالعان.
ول قازاقستاننىڭ تاۋ-كەن سالاسىندا 20 جىلدان استام ەڭبەك ەتكەن.
