كوپقاباتتى تۇرعىن ءۇيدىڭ جەتىنشى قاباتىنان قۇلاپ، قايتىس بولعان اقنار گۇلستاننىڭ ولىمىنە بايلانىستى الماتى قالاسىنىڭ پوليتسيا دەپارتامەنتى العاش رەت رەسمي مالىمدەمە جاسادى، دەپ حابارلايدى
كۇنى كەشە عانا اقنار گۇلستاننىڭ اناسى قاميت گۇلستان تەرگەۋدىڭ سوزىلىپ كەتكەنىنە نارازى بولىپ، قازاقستان پرەزيدەنتى قاسىم-جومارت توقاەۆقا اشىق حات جولداعان بولاتىن. ودان كەيىن پوليتسيا بۇل ءىس بويىنشا العاش رەت رەسمي مالىمدەمە جاسادى.
قۇقىق قورعاۋ ورگاندارىنىڭ حابارلاۋىنشا، وقيعا بولعانىنا 10 اي وتسە دە، تەرگەۋ جالعاسىپ جاتىر. تەرگەۋشىلەر كۋالاردان جاۋاپ الىپ، وقيعا ورنىنداعى بەينەباقىلاۋ جازبالارىن قاراپ، ماتەريالداردى جيناپ، ساراپتاپ جاتىر.
ء“ىستى جۇرگىزۋ بارىسى دەپارتامەنت باسشىلىعىنىڭ ەرەكشە باقىلاۋىندا. قايتىس بولعان بويجەتكەننىڭ جاقىندارىنىڭ قايعىسىنا ورتاقپىز. قاجەتتى تەرگەۋ ارەكەتتەرى تولىق اياقتالىپ، بارلىق ساراپتاما ناتيجەسى قولىمىزعا تيگەننەن كەيىن عانا پروتسەسسۋالدىق شەشىم قابىلدانادى”، – دەلىنگەن الماتى قالالىق پوليتسياسىنىڭ رەسمي تۇسىنىكتەمەسىندە.
ەسكە سالساق، 2024 جىلى 20 شىلدەدە الماتىدا 22 جاستاعى ستۋدەنت اقنار گۇلستان كوپقاباتتى تۇرعىن ءۇيدىڭ جەتىنشى قاباتىنان قۇلاپ، كوز جۇمعان. تەرگەۋ بۇل وقيعانى باستاپقىدا “سۋيتسيد” رەتىندە تىركەگەن. الايدا مارقۇمنىڭ تۋىستارى اقناردىڭ ولىمىنە دەيىن قاتىگەزدىكپەن ازاپتالعانىن جانە ونى تەرەزەدەن كورشىلەرى لاقتىرىپ جىبەرگەنىنە سەنىمدى.
