پاۆلودار وبلىسىندا قارت ادامدارعا قاتىگەزدىك كورسەتىلگەن جانتۇرشىگەرلىك جاعداي انىقتالدى، دەپ حابارلايدى "ادىرنا" ۇلتتىق پورتالى.
بۇل تۋرالى باس پروكۋراتۋرا حابارلادى.
اقسۋ قالاسىنىڭ پروكۋراتۋراسى جەرگىلىكتى بيۋدجەتتەن قارجىلاندىرىلاتىن پانسيوناتتاردىڭ بىرىندە بەينەجازبالاردى زەرتتەي كەلە، ەگدە جاستاعى ازاماتتارعا زورلىق-زومبىلىق كورسەتىلگەنىن انىقتادى. پروكۋراتۋرا قىزمەتكەرلەرىنىڭ مالىمەتىنشە، پانسيونات قىزمەتكەرلەرى ەكى قارت ادامدى ۇزاق ۋاقىت بويى قورلاپ، قاتىگەزدىك كورسەتكەن. جابىرلەنۋشىلەردىڭ ءبىرى – 84 جاستاعى قاريا. ولاردى ۇنەمى ۇرىپ-سوعىپ، قولدارىن بۇراپ، قىستىڭ سۋىعىندا سىرت كيىمسىز دالادا ۇستاعان.
"مەكەمەدە تۇسىرىلگەن بەينەجازبالاردى زەرتتەۋ بارىسىندا جانتۇرشىگەرلىك فاكتىلەر اشىلدى: پانسيونات قىزمەتكەرلەرى تۇراقتى ەكى دارمەنسىز قاريانى ۇزاق ۋاقىت بويى قورلاپ، زورلىق-زومبىلىق كورسەتكەن. جابىرلەنۋشىلەردىڭ ءبىرى - 84 جاستا. ولاردى ۇنەمى ۇرىپ-سوعىپ، قولدارىن بۇراپ، قىستىڭ سۋىعىندا سىرت كيىمسىز اۋلادا ۇستاعان", - دەلىنگەن حابارلامادا.
اتالعان فاكتى بويىنشا قر قىلمىستىق كودەكسىنىڭ 110-بابىنىڭ 2-بولىگى ("ازاپتاۋ") بويىنشا سوتقا دەيىنگى تەرگەۋ امالدارى باستالدى. قازىرگى ۋاقىتتا كىنالى ادامدار انىقتالعان. تەرگەۋ مۇددەسىنە بايلانىستى تولىق اقپارات جاريالانبايدى.
