اباي وبلىسىنىڭ بۇرىنعى اكىمى نۇرلان ۇرانحاەۆ قازاقستان پرەمەر-ءمينيسترىنىڭ كەڭەسشىسى قىزمەتىنە تاعايىندالدى، دەپ حابارلايدى “ادىرنا”.
نۇرلان ۇرانحاەۆ – ءۇش جوعارى ءبىلىمى بار مامان: ينجەنەر-مەحانيك، ەكونوميست-مەنەدجەر جانە ينجەنەر-قۇرىلىسشى.
ەڭبەك جولىن 1987 جىلى سلەسار-مونتاجشى بولىپ باستاعان. كەيىن جەكەمەنشىك كاسىپورىندار مەن اكتسيونەرلىك قوعامداردى باسقاردى. مەملەكەتتىك قىزمەتتە ءتۇرلى لاۋازىمدار اتقارعان: شقو اكىمىنىڭ ورىنباسارى، قىزىلوردا وبلىسى اكىمىنىڭ ورىنباسارى، توتەنشە جاعدايلار مينيسترلىگىندە جانە پرەزيدەنت اكىمشىلىگىندە جۇمىس ىستەگەن. سونىمەن قاتار، الماتى مەن استانا قالالارىنىڭ ساۋلەت جانە قالا قۇرىلىسى باسقارمالارىن باسقاردى.
ۇرانحاەۆ 2022 جىلى پرەزيدەنت جارلىعىمەن جاڭادان قۇرىلعان اباي وبلىسىنىڭ العاشقى اكىمى رەتىندە تاعايىندالعان بولاتىن. ال 2024 جىلدىڭ اقپان ايىندا بۇل قىزمەتتەن بوساتىلىپ، ورنىنا وبلىس اكىمى بولىپ بەرىك ءۋالي كەلگەن ەدى.
ۇقساس جاڭالىقتار
