اباي وبلىسىنىڭ اكىمى نۇرلان ۇرانحاەۆ وڭىردەگى ءورت الاڭى ايتارلىقتاي قىسقارعانىن مالىمدەدى. بۇل تۋرالى ول Telegram كانالىندا جازدى، دەپ حابارلايدى “ادىرنا” ۇلتتىق پورتالى.
ءورتتى ءسوندىرۋ بويىنشا جۇمىس تاۋلىك بويى نەگىزىنەن ەكى باعىتتا – جەرنوۆكا، ءشۇلبى جانە كاشتاك اۋىلى اۋماعىندا جۇرگىزىلەدى.
تابيعي ءورتتى سوندىرۋگە اتسالىسقان بارلىق كۇشتەردىڭ ارقاسىندا ايتارلىقتاي ناتيجەگە قول جەتكىزىلدى.
ماسەلەن، كاشتاك اۋىلىنىڭ اۋدانىندا جەكە قۇرامنان 200 ادام، 30 تەحنيكا، 3 تىكۇشاق جۇمىلدىرىلدى. جەرنوۆكا-ءشۇلبى اۋدانىندا 300 ادام، 40 بىرلىك تەحنيكا جانە 9 تىكۇشاق بار.
سوڭعى كۇندەرى ءورتتىڭ كولەمى ايتارلىقتاي ازايعانىن، ءورتتى ءسوندىرۋ جۇمىستارى تۇراقتى باقىلاۋدا ەكەنىن ايتۋ كەرەك، - دەدى اباي وبلىسىنىڭ اكىمى نۇرلان ۇرانحاەۆ.
ۇقساس جاڭالىقتار
