بيىل قىرعىزستان مەكتەپتەرىندە العاش رەت مەملەكەتتىك تىلدەن ەمتيحان وتەدى، دەپ حابارلايدى «ادىرنا» ءتىلشىسى
ءبىلىم جانە عىلىم مينيسترلىگىنىڭ مالىمەتىنشە، 5-6 سىنىپ وقۋشىلارىنىڭ قىرعىز ءتىلى بويىنشا ءبىلىم دەڭگەيى تەكسەرىلەدى. ال كەلەسى وقۋ جىلىنان باستاپ 7-8 جانە 10 سىنىپ وقۋشىلارى دا ەمتيحان تاپسىرادى.
«ەمتيحان قورىتىندىسى وبلىستىق دەڭگەيدە شىعارىلادى، سودان كەيىن ءبىلىم جانە عىلىم مينيسترلىگىنە تاپسىرىلادى. ناتيجەلەر وقۋشىلاردىڭ كەلەسى سىنىپقا كوشۋىنە اسەر ەتپەيدى. ەمتيحاندار مەملەكەتتىك ءتىلدى ءبىلۋ دەڭگەيىن تالداۋ ءۇشىن وتكىزىلەدى»،—دەلىنگەن حابارلامادا.
ايتا كەتەيىك، 2024 جىلدان بەرى قازاقستاندىق وقۋشىلار قازاق تىلىنەن مىندەتتى ەمتيحان تاپسىرىپ كەلەدى. بۇل جاڭاشىلدىق مەملەكەتتىك ءتىلدىڭ مارتەبەسىن ارتتىرۋ ماقساتىندا ء"تىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسىن بەكىتۋ تۋرالى" ۇكىمەت قاۋلىسىن ورىنداۋ ءۇشىن ەنگىزىلدى.
