مەملەكەت باسشىسىنىڭ جاڭا ينۆەستيتسيالىق تسيكلدى ىسكە قوسۋ تاپسىرماسى بويىنشا جامبىل وبلىسىندا ءوڭىر ەكونوميكاسىنىڭ نەگىزگى سالالارىن قامتيتىن ءىرى ينۆەستيتسيالىق جوبالار جۇزەگە اسىرىلۋدا.
2025 جىلدىڭ ءبىرىنشى توقسانىندا 120,5 ملرد تەڭگە ينۆەستيتسيا تارتىلدى، بۇل وتكەن جىلدىڭ سايكەس كەزەڭىمەن سالىستىرعاندا 37,1 پايىزعا ارتىق.
ءوڭىردىڭ ينۆەستيتسيالىق قورجىنىندا جالپى قۇنى 3,6 ترلن تەڭگە بولاتىن 82 جوبا بار. بۇل جوبالاردى ىسكە اسىرۋ 10 مىڭنان استام جۇمىس ورنىن قۇرۋعا مۇمكىندىك بەرەدى.
بيىل 175,2 ملرد تەڭگەگە 1500 جۇمىس ورنىن قۇرا وتىرىپ، 30 ينۆەستيتسيالىق جوبانى ىسكە اسىرۋ جوسپارلانۋدا.
قازىرگى ۋاقىتتا «ەۋروحيم – تىڭايتقىش» جشس (مينەرالدى تىڭايتقىشتار), «Qazaq Soda» جشس (كالتسيلەندىرىلگەن سودا ءوندىرىسى), «Altynalmas Reagents» جشس (ناتري ءتسيانيدى ءوندىرىسى), «شوكپار – گاگارينسكوە» جشس (التىن ءوندىرىس), «شاگالا ماينينگ» جشس (مىس ءوندىرىسى) ءىرى جوبالاردى جۇزەگە اسىرۋدا.
ءوڭىردىڭ«Total Eren» (فرانتسيا) جانە Masdar ء(باا) كومپانيالارى جەل ەلەكتر ستانتسيالارىن سالۋ جونىندەگى ىنتىماقتاستىعى جاسىل ەنەرگەتيكا سالاسىنداعا حالىقارالىق ارىپتەستىكتى كۇشەيتتى.
اعىمداعى جىلدىڭ 16 ساۋىرىندە «Yonggang Central Asia Iron And Steel» جشس مەتاللۋرگيالىق زاۋىتتىڭ، «Fufeng Group» جشس جۇگەرىنى تەرەڭ وڭدەيتىن كاسىپورىننىڭ قۇرىلىسىن باستادى.
«Zhambyl Invest» ديرەكتسياسى ينۆەستيتسيالىق جوبالاردى تارتۋ مەن ىسكە اسىرۋدا شەشۋشى ءرول اتقارادى. «ءبىر تەرەزە» قاعيداتىن ۇستانا وتىرىپ، ديرەكتسيا ينۆەستورلارعا جوبانىڭ بارلىق كەزەندەرىندە يدەيادان ىسكە اسىرۋعا دەيىن قولداۋ كورسەتەدى.
بيزنەسكە قولايلى جاعداي جاساۋ ارقىلى جامبىل وبلىسى شەتەلدىك جانە وتاندىق ينۆەستورلار ءۇشىن تارتىمدى ايماق رەتىندەگى ۇستانىمىن نىعايتىپ كەلەدى.
ۇقساس جاڭالىقتار
