بۇگىن — حالىقارالىق اكۋشەرلەر كۇنى، دەپ حابارلايدى «ادىرنا» ءتىلشىسى.
بۇل كاسىبي مەرەكەنى اتاپ ءوتۋ تۋرالى يدەيا 1987 جىلى ۇسىنىلىپ، 1992 جىلى رەسمي تۇردە مويىندالعان بولاتىن.
قازىرگى تاڭدا ەلىمىزدە 9 مىڭنان استام اكۋشەر ەڭبەك ەتەدى. دەنساۋلىق ساقتاۋ مينيسترلىگىنىڭ مالىمەتىنشە، ولاردىڭ 64%-ى قالادا، 36%-ى اۋىلدا جۇمىس ىستەيدى.
«بۇگىن ءبىز جاڭا ءومىردىڭ باستاۋىندا تۇراتىن جانداردى — اكۋشەرلەردى قۇتتىقتايمىز! قازاقستاندا جىل سايىن ورتا ەسەپپەن 370 مىڭعا جۋىق بوسانۋ قابىلدانادى جانە ءاربىر وسى كەرەمەتتىڭ ارتىندا اكۋشەرلەردىڭ ەڭبەگى، قامقورلىعى مەن بىلىكتىلىگى جاتىر. ولار بولاشاق انالاردى پەرزەنتحاناعا تۇسكەن ساتتەن باستاپ شىعارىلعانعا دەيىن قامقورلىق جاساپ، تەك مەديتسينالىق ەمەس، مورالدىق قولداۋ دا كورسەتەدى. بۇل — ايەلدەر مەن ولاردىڭ سابيلەرى ءۇشىن ەڭ تولقىنىستى ءارى ماڭىزدى ساتتەردە جانىندا بولاتىن ناعىز قاھارماندار»،—دەدى مينيسترلىك.
