28 ماۋسىم – بۇقارالىق اقپارات قۇرالدارى قىزمەتكەرلەرى كۇنى. بۇل كۇن 2019 جىلى ۇكىمەت قاۋلىسىمەن رەسمي تۇردە بەكىتىلىپ، جۋرناليستەر مەن اقپارات سالاسى ماماندارىنىڭ ەڭبەگىنە كورسەتىلگەن قۇرمەتتىڭ بەلگىسىنە اينالدى، دەپ حابارلايدى "ادىرنا".
قازاقستانداعى جۋرناليستەردىڭ كاسىبي مەرەكەسىنىڭ تاريحى بىرنەشە كەزەڭنەن تۇرادى. تاۋەلسىزدىكتىڭ العاشقى جىلدارىندا بۇل كۇن 10 مامىردا اتالىپ ءوتتى. سەبەبى 1870 جىلدىڭ ءدال وسى كۇنى قازاق تىلىندەگى تۇڭعىش باسىلىم – «تۇركىستان ءۋالاياتى» گازەتىنىڭ العاشقى سانى جارىق كورگەن بولاتىن. ال 1997 جىلى مەرەكە كۇنى وزگەرتىلىپ، 28 ماۋسىمعا بەلگىلەندى. بۇل داتا قازاقستانداعى العاشقى «باسپا جانە وزگە دە بۇقارالىق اقپارات قۇرالدارى تۋرالى» زاڭنىڭ قابىلدانۋىمەن بايلانىستى.
2011 جىلى كاسىبي مەرەكەلەردىڭ جاڭا ءتىزىمى بەكىتىلىپ، 28 ماۋسىم بايلانىس جانە اقپارات قۇرالدارى قىزمەتكەرلەرى كۇنى رەتىندە اتالدى. كەيىن 2019 جىلدان باستاپ مەرەكە «بۇقارالىق اقپارات قۇرالدارى قىزمەتكەرلەرى كۇنى» دەگەن اتاۋمەن رەسمي تۇردە بەكىتىلدى.
بۇگىندە جۋرناليستەر قوعام مەن مەملەكەت اراسىنداعى بايلانىستى نىعايتىپ، حالىققا شىنايى ءارى جەدەل اقپارات جەتكىزۋدە ماڭىزدى ءرول اتقارادى. سونداي-اق ەلىمىزدە باق سالاسى قىزمەتكەرلەرىن قولداۋ ماقساتىندا جىل سايىن ءتۇرلى شىعارماشىلىق بايقاۋلار مەن ماراپاتتاۋ راسىمدەرى ۇيىمداستىرىلىپ كەلەدى. بۇل مەرەكە اقپارات سالاسى ماماندارىنىڭ قوعام الدىنداعى جاۋاپكەرشىلىگى مەن ەڭبەگىن دارىپتەيتىن ماڭىزدى كۇن بولىپ سانالادى.
