بۇگىن، 25 مامىر — ۇلى وتان سوعىسىنىڭ ارداگەرى، كەڭەس وداعىنىڭ باتىرى، حالىق قاھارمانى، تاۋەلسىز قازاقستاننىڭ تۇڭعىش قورعانىس ءمينيسترى، ارميا گەنەرالى ساعادات نۇرماعامبەتوۆتىڭ تۋعان كۇن, دەپ حابارلايدى «ادىرنا» ءتىلشىسى.
ول 1924 جىلى 25 مامىردا قازىرگى اقمولا وبلىسى اقكول اۋدانى قوسىم اۋىلىندا تۋعان. 1942 جىلدىڭ شiلدە ايىندا 18 جاستا كەڭەس اسكەر قاتارىنا قابىلدانىپ، تۇرىكمەنستاندا پۋلەمەتشiلەر دايىندايتىن ۋچيليششەنi ۇزدiك اياقتاعان. كەيىن ۆزۆود كومانديرi رەتiندە مايدان شەبiنە اتتانعان.
21 جاسىندا ساعادات نۇرماعامبەتوۆكە كەڭەس وداعىنىڭ باتىر اتاعى بەرىلگەن. 1945 جىلدىڭ 31 مامىرىندا قىزىل تۋ وردەنىمەن ماراپاتتالعان. قازاقتىڭ قاھارمان جىگىتى سوعىستى بەرليندە اياقتاعان. ول 1946–1949 جىلدار ارالىعىندا ماسكەۋدەگi فرۋنزە اتىنداعى اسكەري اكادەميانى ءبىتىرىپ، ورتا ازياداعى تۇركiستان اسكەري وكرۋگiنە پولك باسقارۋعا جiبەرiلگەن. كەيىن ءارتۇرلi شتابتىق، كوماندالىق لاۋازىمداردا، ونىڭ iشiندە قازاق كسر ازاماتتىق قورعانىس شتابىنىڭ باستىعى، ورتا ازيا اسكەري وكرۋگi قولباسشىسىنىڭ ورىنباسارى، وڭتۇستiك توپ اسكەرلەرi قولباسشىسىنىڭ بiرiنشi ورىنباسارى (ۆەنگريا) قىزمەتiن اتقارعان.
1992 جىلى ساعادات نۇرماعامبەتوۆ قازاقستاننىڭ تۇڭعىش قورعانىس مينيسترi بولدى. 1994 جىلى حالىق قاھارمانى اتاعى مەن №1 "التىن جۇلدىز" تابىس ەتiلدi. 1995 جىلى ارميا گەنەرالى اتاعىمەن وتستاۆكاعا شىعىپ، قازاقستان پرەزيدەنتiنiڭ كەڭەسشiسi بولدى.
2013 جىلدىڭ 24 قىركۇيەگىندە ساعادات نۇرماعامبەتوۆ 90 جاسقا قاراعان شاعىندا ومىردەن وزدى.
ەلىنە دەگەن ادالدىعى مەن قايسار مىنەزى ارقىلى ساعادات نۇرماعامبەتوۆ وسكەلەڭ ۇرپاققا وتاندى ءسۇيۋدىڭ، ەرلىك پەن تاباندىلىقتىڭ جارقىن ۇلگىسىن كورسەتتى.
