كاسپي تەڭىزىنىڭ دەڭگەيى تومەندەپ جاتىر. سونىڭ سالدارىنان اقتاۋ پورتىندا كەمەلەر مەن تانكەرلەردىڭ ءتۇبى ءتيىپ قالۋدا. بۇل تۋرالى اقتاۋ حالاقىارالىق تەڭىز ساۋدا پورتىنىڭ ءبولىم باستىعى ەربولات تىلەپيەۆ ايتتى، دەپ حابارلايدى «ادىرنا» ءتىلشىسى.
«قۇرعاق جۇك كەمەسىنىڭ جۇك كوتەرگىشى 6500 توننا بولسا، قازىر 5500 تونناعا دەيىن جۇك تيەلىپ جاتىر. سەبەبى 6 مىڭ توننا جۇكتەسە، استى ءتيىپ قالادى. جىل سوڭىنا دەيىن تەرەڭدەتۋ جۇمىستارىن جۇرگىزبەسەك، تەڭىز دەڭگەيى ودان ءارى تومەندەي بەرسە، كەمەمەن تاسىمالداۋ ءتيىمسىز بولماق»،—دەدى ول.
كولىك ءمينيسترى مارات قاراباەۆتىڭ ايتۋىنشا، مامىر ايىنان باستاپ اقتاۋ پورتىنىڭ اكۆاتورياسى تەرەڭدەتىلەدى. تەڭىز ءتۇبىن 1,5 مەترگە دەيىن قازىپ، تەرەڭدىگىن 7,5 مەتردەن اسىرۋ كوزدەلگەن.
ايتا كەتەيىك، اقتاۋ پورتى ارقىلى ازەربايجان، رەسەي، يران جانە تۇرىكمەنستان ەلدەرىنە مۇناي، استىق، مەتال، باسقا دا جۇكتەر مەن كونتەينەرلىك جۇكتەر تاسىمالدانادى.
بۇعپن دەيىن تەڭىزدەگى ەكولوگيالىق اپات ماسەلەسىن كوتەرگەن ەدىك. ماڭعىستاۋلىق ەكولوگ ورىنباسار توعجانوۆ «ادىرنا» تىلشىسىنە بەرگەن سۇقباتىندا كاسپي تەڭىزىنىڭ تومەندەۋ ءۇردىسى جيىلەپ، رەكورد دەڭگەيىنە جەتكەنىن مالىمدەگەن بولاتىن.
