Google كومپانياسىنىڭ ءبىلىم باعدارلاماسى وقۋ-اعارتۋ مينيسترلىگىنىڭ قولداۋىمەن جۇزەگە اسىرىلادى.
قازاقستاندا Google for Education ەكوجۇيەسىن ەنگىزۋ بويىنشا پيلوتتىق جوبا باستالدى. جوبانىڭ ىسكە اسىرىلۋى ءبىلىم بەرۋ سالاسىن تۇراقتى دامىتۋ قورى مەن Google كومپانياسى اراسىنداعى كەلىسىمنىڭ ارقاسىندا مۇمكىن بولىپ وتىر. قر وقۋ-اعارتۋ مينيسترلىگى جوباعا قولداۋ كورسەتەدى.
جوبانىڭ العاشقى كەزەڭىندە ەلىمىزدىڭ 16 ايماعىنان 20 اۋىل مەكتەبى ەكوجۇيەگە قوسىلادى. ال ولاردىڭ بەسەۋى الداعى 3 جىلدا Google Reference School مارتەبەسىن الادى. Google Reference School – وقۋ كەڭەستىكتەرىنىڭ تسيفرلىق ترانسفورمياسىنىڭ حالىقارالىق ستاندارتى.
جوباعا قاتىساتىن ءار سىنىپ Google for Education پلاتفورماسىنا قول جەتكىزە الادى. پلاتفورما كەلەسى مۇمكىندىكتەردى بەرەدى:
• Google Classroom, تاپسىرمالار، وقۋ پروتسەسىن ۇيىمداستىرۋعا ارنالعان تەحنولوگيالار;
• BigQuery جانە Looker Studio اناليتيكالىق جۇيەلەرى;
• Gemini AI - تاپسىرمالاردى جاساۋ جانە ءماتىندى تەكسەرۋگە باعىتتالعان جاساندى ينتەللەكت;
• وقۋ ناتيجەسىن ارتتىرۋ ءۇشىن قۇجاتتارعا، كەستەلەرگە، سايتتارعا، بەينەلەرگە، AppSheet-كە جانە باسقا قۇرالدار.
جوبا اياسىندا 200-دەن استام مۇعالىم وقىتۋدان ءوتىپ، Google Educator حالىقارالىق مارتەبەسىنە يە بولادى:
«Google for Education ۇستازداردى الماستىرمايدى. ول وقۋ پروتسەسىن اۆتوماتتاندىرۋعا كومەكتەسەدى، وقۋ كونتەنتىن قۇرۋ پروتسەسىن جەڭىلدەتەدى، تاپسىرمالاردى دايىنداۋ مەن تەكسەرۋگە ۋاقىتتى ۇنەمدەيدى، وقىتۋدى جەكەلەندىرەدى جانە ءبىلىم بەرۋ پروتسەسىنىڭ بارلىق قاتىسۋشىلارىنىڭ تسيفرلىق قۇزىرەتتەرىن كەڭەيتەدى،» - دەپ اتاپ ءوتتى ءبىلىم بەرۋ سالاسىن تۇراقتى دامىتۋ قورى وكىلدەرى.
ورەل اۋىلىنداعى ورتا مەكتەپ – Google پلاتفورماسىنا تولىققاندى قوسىلاتىن العاشقى مەكتەپ. AITAS حولدينگىنىڭ دەمەۋشىلىگىمەن مەكتەپ ارنايى دەربەس Chromebook فورماتىنداعى نوۋتبۋكتەرىمەن جابدىقتالىپ، Google Workspace-كە قول جەتكىزەدى. جەرگىلىكتى اتقارۋشى ورگاندار ينتەرنەتكە تۇراقتى قوسىلۋدى قامتاماسىز ەتەدى.
ايتا كەتەيىك، بۇگىندە الەمدە 50 ميلليوننان استام وقۋشىلار مەن وقىتۋشىلار Chromebook-ءتى ءبىلىم بەرۋ مازمۇنىن قۇرۋ، بىرلەسىپ جۇمىس ىستەۋ جانە بايلانىس ورناتۋ ءۇشىن پايدالانادى. 2021 جىلى Chromebook باستاۋىش جانە ورتا مەكتەپتەگى ۇزدىك وقۋ قۇرالى رەتىندە تانىلدى.
اتالمىش باعدارلاما ءبىلىم بەرۋ سالاسىن تۇراقتى دامىتۋ قورىنىڭ ستراتەگيالىق ماقساتتارىنىڭ ءبىرى – اۋىل مەن قالا وقۋشىلارى اراسىنداعى ءبىلىم دەڭگەيىندەگى ايىرماشىلىقتى ازايتۋ باعىتىنداعى ماڭىزدى جوبا بولادى.
