ۆيدەودان وقيعا كەيىپكەرىنىڭ قانداي قارقىنمەن پوليتسەي قىزمەتكەرىنىڭ ۇستىنە تۇسكەنىن اڭعارۋعا بولادى. Polisia.kz-نىڭ Telegram ارناسى اتاپ وتكەندەي، 7 قاڭتاردا تاڭعى ساعات 05:30-دا بويجەتكەن عيمارات بالكونىنان تايىپ قۇلاپ، تەمىر جاقتاۋدان مىقتاپ ۇستاعان كۇيى سالبىراپ تۇرعان. بۇل تۋرالى پوليتسياعا حابار كەلىپ تۇسەدى.
وقيعا ورنىنا پاترۋلدىك پوليتسيا قىزمەتكەرلەرى المات ءامىرحان مەن رۋسلان كاپساماتوۆ اتتانادى.
"جاعدايدى باعامداپ، المات ءامىرحان دالادا قالىپ، ال سەرىكتەسى بەسىنشى قاباتقا كوتەرىلدى. وسى كەزدە تەمىرگە ءىلىنىپ، سالبىراپ تۇرعان قىز بەسىنشى قاباتتان قۇلاپ كەتتى. تومەندە قالعان پوليتسيا قىزمەتكەرى ونىڭ قاتتى ەكپىنمەن سوققى الماۋى ءۇشىن ءوز دەنەسىن توستى. سونىڭ ارقاسىندا 29 جاستاعى قالا تۇرعىنى زارداپ شەككەن جوق", دەلىنگەن حابارلامادا.
پاترۋلدىك پوليتسيا قىزمەتكەرى المات ءامىرحان بىرنەشە جاراقات الىپ، اياعىن اۋىرتىپ الدى. وعان مەديتسينالىق كومەك كورسەتىلدى.
"ادىرنا" ۇلتتىق پورتالى
