قايرات ساتىبالدىنىڭ بۇرىنعى جۇبايى گۇلميرا ساتىبالدىعا قاتىستى تاعى ءبىر قىلمىستىق ءىس تەرگەلىپ جاتىر. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى «قازاقپاراتتىڭ» رەسمي ساۋالىنا بەرگەن جاۋابىندا ايتتى، دەپ حابارلايدى «ادىرنا» ءتىلشىسى.
«قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى “VOSTOCHKA” كوپفۋنكتسيونالدى تۇرعىن ءۇي كەشەنىنىڭ قۇرىلىسى كەزىندە ورىن العان زاڭسىز ارەكەتتەرگە بايلانىستى گ.ك.ساتىبالدى مەن وزگە دە تۇلعالارعا قاتىستى قىلمىستىق ءىستى تەرگەپ جاتقانىن مالىمدەيدى»،–دەلىنگەن حابارلامادا.
اگەنتتىك تەرگەۋ مۇددەسىنە بايلانىستى وزگە مالىمەتتەر جاريالانبايتىنىن اتاپ ءوتتى.
ەسكە سالايىق، 2024 جىلدىڭ تامىزىندا سوت گۇلميرا ساتىبالدىنى باس بوستاندىعىنان زاڭسىز ايىرۋ، بوپسالاۋ جانە وزبىرلىق باپتارى بويىنشا كىنالى دەپ تانىعان بولاتىن. ول مۇلكى تاركىلەنىپ، 12 جىلعا سوتتالدى.
