Qaırat Satybaldynyń burynǵy jubaıy Gúlmıra Satybaldyǵa qatysty taǵy bir qylmystyq is tergelip jatyr. Bul týraly Sybaılas jemqorlyqqa qarsy is-qımyl agenttigi «QazAqparattyń» resmı saýalyna bergen jaýabynda aıtty, dep habarlaıdy «Adyrna» tilshisi.
«Qazaqstan Respýblıkasynyń Sybaılas jemqorlyqqa qarsy is-qımyl agenttigi “VOSTOCHKA” kópfýnkıonaldy turǵyn úı kesheniniń qurylysy kezinde oryn alǵan zańsyz áreketterge baılanysty G.K.Satybaldy men ózge de tulǵalarǵa qatysty qylmystyq isti tergep jatqanyn málimdeıdi»,–delingen habarlamada.
Agenttik tergeý múddesine baılanysty ózge málimetter jarııalanbaıtynyn atap ótti.
Eske salaıyq, 2024 jyldyń tamyzynda sot Gúlmıra Satybaldyny bas bostandyǵynan zańsyz aıyrý, bopsalaý jáne ozbyrlyq baptary boıynsha kináli dep tanyǵan bolatyn. Ol múlki tárkilenip, 12 jylǵa sottaldy.
