Qairat Satybaldynyŋ būrynǧy jūbaiy Gülmira Satybaldyǧa qatysty taǧy bır qylmystyq ıs tergelıp jatyr. Būl turaly Sybailas jemqorlyqqa qarsy ıs-qimyl agenttıgı «QazAqparattyŋ» resmi saualyna bergen jauabynda aitty, dep habarlaidy «Adyrna» tılşısı.
«Qazaqstan Respublikasynyŋ Sybailas jemqorlyqqa qarsy ıs-qimyl agenttıgı “VOSTOCHKA” köpfunksionaldy tūrǧyn üi keşenınıŋ qūrylysy kezınde oryn alǧan zaŋsyz äreketterge bailanysty G.K.Satybaldy men özge de tūlǧalarǧa qatysty qylmystyq ıstı tergep jatqanyn mälımdeidı»,–delıngen habarlamada.
Agenttık tergeu müddesıne bailanysty özge mälımetter jariialanbaitynyn atap öttı.
Eske salaiyq, 2024 jyldyŋ tamyzynda sot Gülmira Satybaldyny bas bostandyǧynan zaŋsyz aiyru, bopsalau jäne ozbyrlyq baptary boiynşa kınälı dep tanyǧan bolatyn. Ol mülkı tärkılenıp, 12 jylǧa sottaldy.
