جاركەنت مەشىتى مەن ۆوزنەسەنسكي حرامى يۋنەسكو-نىڭ بۇكىلالەمدىك مۇرا نىساندارىنىڭ الدىن الا تىزىمىنە ەنگىزىلدى، دەپ حابارلايدى "ادىرنا" ۇلتتىق پورتالى.
بۇل تۋرالى جەتىسۋ وبلىسى اكىمىنىڭ ءباسپاسوز قىزمەتى حابارلادى.
مەملەكەتتىك كەڭەسشى ەرلان قاريننىڭ ايتۋىنشا، نىسانداردىڭ Tentative List تىزىمىنە ەنۋى – الداعى ۋاقىتتا يۋنەسكو-عا تولىق نوميناتسيا ۇسىنۋ ءۇشىن ماڭىزدى كەزەڭ. شەشىم پرەزيدەنتتىڭ قىزىلوردادا وتكەن V ۇلتتىق قۇرىلتاي وتىرىسىندا بەرگەن تاپسىرماسىن ورىنداۋ اياسىندا قابىلدانعان.
1895 جىلى قىتاي ساۋلەتشىسى حون پيكە جوبالاعان جاركەنت مەشىتى XIX عاسىردىڭ سوڭىنداعى ءدىني ساۋلەت ونەرىنىڭ بىرەگەي ەسكەرتكىشى سانالادى. نىسان 1982 جىلدان بەرى مەملەكەت قورعاۋىندا جانە رەسپۋبليكالىق ماڭىزى بار ساۋلەت ەسكەرتكىشى مارتەبەسىنە يە.
ال ۆوزنەسەنسكي حرامى XX عاسىر باسىنداعى پراۆوسلاۆيالىق اعاش ساۋلەت ونەرىنىڭ سيرەك ۇلگىسى رەتىندە تانىلعان. ول ءوزىنىڭ ينجەنەرلىك ءارى كوركەمدىك شەشىمدەرىمەن ەرەكشەلەنەدى.
