رەسەي مۇنايىنىڭ باعاسى تومەندەدى

رەسەيدىڭ ەكسپورتقا شىعاراتىن نەگىزگى مۇناي سورتى – Urals – ءساۋىردىڭ العاشقى كۇندەرىندە بىردەن 14-16 پايىزعا ارزانداپ، 2023 جىلدىڭ ماۋسىمىنان بەرى ەڭ تومەنگى دەڭگەيگە جەتتى، دەپ حابارلايدى "ادىرنا" ۇلتتىق پورتالى ربك-عا سىلتەپ. ساراپشىلاردىڭ ايتۋىنشا، Urals باعاسى بىرنەشە كۇن ىشىندە 10 دوللارعا تومەندەپ، مۇناي نارىعىنداعى تۇراقسىزدىقتى كورسەتتى. قازىر بۇل سورتتاعى مۇناي بۇرىن-سوڭدى بولماعان قىسىمعا تاپ بولۋدا. نارىقتاعى قىسىمنىڭ نەگىزگى سەبەپتەرى بىرنەشەۋ ەكەنى ايتىلعان. اقش ەنگىزگەن جاڭا ساۋدا باج سالىعى، رەسەي مۇنايىنا باعىتتالعان. قىتايدىڭ جاۋاپ شارالارى، ونىڭ ىشىندە يمپورتتى شەكتەۋ مەن وپەك+ كۇتپەگەن شەشىمى – مۇناي ءوندىرۋ كولەمىن بولجانعاننان كوبىرەك ارتتىرۋ. بۇل فاكتورلار نارىقتاعى سۇرانىس پەن ۇسىنىستىڭ اراسىنداعى تەپە-تەڭدىكتى بۇزىپ، مۇناي باعاسىنىڭ بىردەن قۇلدىراۋىنا اسەر ەتتى. 7 ساۋىردە الەمدىك ەتالون بولىپ سانالاتىن Brent ماركالى مۇناي باعاسى 63 دوللاردان تومەندەدى – بۇل كورسەتكىش سوڭعى رەت 2021 جىلدىڭ ساۋىرىندە تىركەلگەن بولاتىن. بۇل جاعداي تەك رەسەي ەكونوميكاسىنا عانا ەمەس، سونىمەن بىرگە مۇناي ەكسپورتتاۋشى وزگە ەلدەردىڭ دە بيۋدجەتتىك جوسپارلارىنا اسەر ەتۋى مۇمكىن.