Reseıdiń eksportqa shyǵaratyn negizgi munaı sorty – Urals – sáýirdiń alǵashqy kúnderinde birden 14-16 paıyzǵa arzandap, 2023 jyldyń maýsymynan beri eń tómengi deńgeıge jetti, dep habarlaıdy "Adyrna" ulttyq portaly RBK-ǵa siltep.
Sarapshylardyń aıtýynsha, Urals baǵasy birneshe kún ishinde 10 dollarǵa tómendep, munaı naryǵyndaǵy turaqsyzdyqty kórsetti. Qazir bul sorttaǵy munaı buryn-sońdy bolmaǵan qysymǵa tap bolýda.
Naryqtaǵy qysymnyń negizgi sebepteri birnesheý ekeni aıtylǵan. AQSh engizgen jańa saýda baj salyǵy, Reseı munaıyna baǵyttalǵan. Qytaıdyń jaýap sharalary, onyń ishinde ımportty shekteý men OPEK+ kútpegen sheshimi – munaı óndirý kólemin boljanǵannan kóbirek arttyrý. Bul faktorlar naryqtaǵy suranys pen usynystyń arasyndaǵy tepe-teńdikti buzyp, munaı baǵasynyń birden quldyraýyna áser etti.
7 sáýirde álemdik etalon bolyp sanalatyn Brent markaly munaı baǵasy 63 dollardan tómendedi – bul kórsetkish sońǵy ret 2021 jyldyń sáýirinde tirkelgen bolatyn.
Bul jaǵdaı tek Reseı ekonomıkasyna ǵana emes, sonymen birge munaı eksporttaýshy ózge elderdiń de bıýdjettik josparlaryna áser etýi múmkin.
