بۋراباي جانە ءبىرجان سال اۋداندارى ورماندارىنداعى قاردىڭ جەدەل ەرۋى سالدارىنان ءبىرجان سال اۋدانىندا ورنالاسقان ماكينكا بوگەتىنىڭ ۇستىنەن سۋ تاسىپ ءوتۋ قاۋپى تۋىندادى، دەپ حابارلايدى "ادىرنا" ۇلتتىق پورتالى اقمولا وبلىستىق تجد ءباسپاسوز قىزمەتىنە سىلتەمە جاساپ.
— بوگەتتىڭ ۇستىنەن سۋ اعىپ كەتۋ جانە سۋدىڭ كوتەرىلۋى سالدارىنان رەسپۋبليكالىق ماڭىزى بار «استانا-ششۋچينسك» اۆتوجولىنا سۋ جايىلىپ كەتۋ قاۋپى بار. قازىر وقيعا ورنىندا اقمولا وبلىسى مەن استانا قالاسى تجد-نىڭ جوعارى قۋاتتى ءورت-سورعى ستانتسيالارى جۇمىس ىستەپ جاتىر. قازىرگى تاڭدا كولدەگى سۋ دەڭگەيىن تومەندەتۋ ماقساتىندا سۋدى اعىزۋ ماسەلەسى قاراستىرىلۋدا، — دەدى قر تجم ازاماتتىق قورعانىس جانە اسكەري بولىمدەر كوميتەتى توراعاسىنىڭ ورىنباسارى الەكسەي سوۆەتوۆ.
قازىرگى ۋاقىتتا جاعداي توتەنشە جاعدايلار مينيسترلىگىنىڭ باقىلاۋىندا. قۇتقارۋ شارالارىنا اقمولا وبلىسى مەن استانانىڭ توتەنشە جاعدايلار قىزمەتتەرى، جەرگىلىكتى اتقارۋشى ورگاندار جانە «قازاۆتوجول» قىزمەتكەرلەرى تارتىلعان.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز