Býrabaı jáne Birjan sal aýdandary ormandaryndaǵy qardyń jedel erýi saldarynan Birjan sal aýdanynda ornalasqan Makınka bógetiniń ústinen sý tasyp ótý qaýpi týyndady, dep habarlaıdy "Adyrna" ulttyq portaly Aqmola oblystyq TJD baspasóz qyzmetine silteme jasap.
— Bógettiń ústinen sý aǵyp ketý jáne sýdyń kóterilýi saldarynan respýblıkalyq mańyzy bar «Astana-ýchınsk» avtojolyna sý jaıylyp ketý qaýpi bar. Qazir oqıǵa ornynda Aqmola oblysy men Astana qalasy TJD-nyń joǵary qýatty órt-sorǵy stanııalary jumys istep jatyr. Qazirgi tańda kóldegi sý deńgeıin tómendetý maqsatynda sýdy aǵyzý máselesi qarastyrylýda, — dedi QR TJM Azamattyq qorǵanys jáne áskerı bólimder komıteti tóraǵasynyń orynbasary Alekseı Sovetov.
Qazirgi ýaqytta jaǵdaı Tótenshe jaǵdaılar mınıstrliginiń baqylaýynda. Qutqarý sharalaryna Aqmola oblysy men Astananyń tótenshe jaǵdaılar qyzmetteri, jergilikti atqarýshy organdar jáne «QazAvtoJol» qyzmetkerleri tartylǵan.
