جۋرناليست ءىلياس قانباي ءشارىپ سەرىكتىڭ زورلىق-زومبىلىق ءۇشىن ەمەس، جانجال كەزىندە بالاعات سوزدەر ايتقانى ءۇشىن اكىمشىلىك جازاعا تارتىلعانىن مالىمدەدى، دەپ حابارلايدى "ادىرنا" ۇلتتىق پورتالى Stan.kz-كە سىلتەمە جاساپ.
"ۇكىمنىڭ ءمان-جايىمەن تانىستىم. بىلاي جازىلعان: "س بىرگە تۇرىپ جاتقان ب-مەن جانجال كەزىندە بالاعات سوزدەر ايتقان. وعان اكىمشىلىك باپتىڭ ءبىرىنشى بولىگى "وتباسى-تۇرمىستىق قارىم-قاتىناس كەزىندەگى تەرىس ارەكەتتەر" بويىنشا ايىپ تاعىلعان. بۇل شاپالاققا نەمەسە جۇلقىلاۋعا قاتىستى ەمەس، تەك كەمسىتۋ، تومەندەتۋ جانە مۇلىكتى ءبۇلدىرۋ تۋرالى. ول بويىنشا ەڭ جوعارعى جازا 5 تاۋلىك", – دەپ جازدى جۋرناليست.
سونداي-اق ول ءىستىڭ بۇلايشا جەڭىل تۇردە قارالۋى جابىرلەنۋشى تاراپ – ءاليا بۋتەەۆانىڭ رەسمي ارىز تۇسىرمەۋىمەن بايلانىستى بولۋى مۇمكىن ەكەنىن ايتادى.
"الماتى پوليتسيا دەپارتامەنتى ماعان وسىلاي حابارلادى. بۇگىن تاڭەرتەڭ سۇراپ ءبىلدىم. نەگىزىندە ءشارىپ 5 ەمەس، 'ۇرىپ-سوعۋ' بابىمەن 50 تاۋلىككە نەمەسە ودان دا كوپ مەرزىمگە قامالۋى مۇمكىن ەدى", – دەدى ءىلياس قانباي.
