Jurnalist Iliias Qanbai Şärıp Serıktıŋ zorlyq-zombylyq üşın emes, janjal kezınde balaǧat sözder aitqany üşın äkımşılık jazaǧa tartylǧanyn mälımdedı, dep habarlaidy "Adyrna" ūlttyq portaly Stan.kz-ke sılteme jasap.
"Ükımnıŋ män-jaiymen tanystym. Bylai jazylǧan: "S bırge tūryp jatqan B-men janjal kezınde balaǧat sözder aitqan. Oǧan äkımşılık baptyŋ bırınşı bölıgı "Otbasy-tūrmystyq qarym-qatynas kezındegı terıs äreketter" boiynşa aiyp taǧylǧan. Būl şapalaqqa nemese jūlqylauǧa qatysty emes, tek kemsıtu, tömendetu jäne mülıktı büldıru turaly. Ol boiynşa eŋ joǧarǧy jaza 5 täulık", – dep jazdy jurnalist.
Sondai-aq ol ıstıŋ būlaişa jeŋıl türde qaraluy jäbırlenuşı tarap – Äliia Buteevanyŋ resmi aryz tüsırmeuımen bailanysty boluy mümkın ekenın aitady.
"Almaty polisiia departamentı maǧan osylai habarlady. Bügın taŋerteŋ sūrap bıldım. Negızınde Şärıp 5 emes, 'Ūryp-soǧu' babymen 50 täulıkke nemese odan da köp merzımge qamaluy mümkın edı", – dedı Iliias Qanbai.
