2025 جىلعى 14 مامىردان باستاپ قازاقستان سۇيىتىلعان مۇناي گازى، پروپان جانە بۋتاندى ەكسپورتتاۋعا ۋاقىتشا تىيىم سالادى، دەپ حابارلايدى "ادىرنا" ۇلتتىق پورتالى.
بۇل تۋرالى "اشىق نقا" پورتالىندا جاريالانعان ەنەرگەتيكا ءمينيسترىنىڭ بۇيرىعى جوباسىنىڭ تۇسىندىرمەسىندە ايتىلعان.
شەكتەۋ التى ايعا سوزىلادى جانە اۆتوموبيل مەن تەمىرجول كولىگى ارقىلى تاسىمالداۋعا قاتىستى قولدانىلادى.
"قازاقستان رەسپۋبليكاسىنىڭ اۋماعىنان سۇيىتىلعان مۇناي گازىن (ەاەو سەق تن كودى 2711 12 970 0), پروپاندى (ەاەو سەق تن كودى 2711 12 940 0) جانە بۋتاندى (ەاەو سەق تن كودى 2711 13 970 0) اۆتوموبيل جانە تەمىرجول كولىگىمەن اكەتۋگە التى اي مەرزىمگە تىيىم سالۋ ەنگىزىلسىن", – دەلىنگەن ۆەدومستۆو بۇيرىعى جوباسىندا.
