2025 жылғы 14 мамырдан бастап Қазақстан сұйытылған мұнай газы, пропан және бутанды экспорттауға уақытша тыйым салады, деп хабарлайды "Адырна" ұлттық порталы.
Бұл туралы "Ашық НҚА" порталында жарияланған Энергетика министрінің бұйрығы жобасының түсіндірмесінде айтылған.
Шектеу алты айға созылады және автомобиль мен теміржол көлігі арқылы тасымалдауға қатысты қолданылады.
"Қазақстан Республикасының аумағынан сұйытылған мұнай газын (ЕАЭО СЭҚ ТН коды 2711 12 970 0), пропанды (ЕАЭО СЭҚ ТН коды 2711 12 940 0) және бутанды (ЕАЭО СЭҚ ТН коды 2711 13 970 0) автомобиль және теміржол көлігімен әкетуге алты ай мерзімге тыйым салу енгізілсін", – делінген ведомство бұйрығы жобасында.
