2025 jylǵy 14 mamyrdan bastap Qazaqstan suıytylǵan munaı gazy, propan jáne býtandy eksporttaýǵa ýaqytsha tyıym salady, dep habarlaıdy "Adyrna" ulttyq portaly.
Bul týraly "Ashyq NQA" portalynda jarııalanǵan Energetıka mınıstriniń buıryǵy jobasynyń túsindirmesinde aıtylǵan.
Shekteý alty aıǵa sozylady jáne avtomobıl men temirjol kóligi arqyly tasymaldaýǵa qatysty qoldanylady.
"Qazaqstan Respýblıkasynyń aýmaǵynan suıytylǵan munaı gazyn (EAEO SEQ TN kody 2711 12 970 0), propandy (EAEO SEQ TN kody 2711 12 940 0) jáne býtandy (EAEO SEQ TN kody 2711 13 970 0) avtomobıl jáne temirjol kóligimen áketýge alty aı merzimge tyıym salý engizilsin", – delingen vedomstvo buıryǵy jobasynda.
