«اقتاۋ – تۇركى الەمىنىڭ مادەني استاناسى» حالىقارالىق شاراسىنىڭ اشىلۋ سالتاناتىنان كەيىن ماڭعىستاۋلىق جۇزدەن استام ەرىكتىلەر مەن كوممۋنالدىق قىزمەتكەرلەرى جاعالاۋداعى الاڭدى جيناپ، قوقىستاردان تازالاپ كەتتى.
ازاماتتىق جاۋاپكەرشىلىكتىڭ ناعىز ۇلگىسىن تۇرعىندار دا كورسەتتى. ولار تەك كونتسەرت تاماشالاپ قانا قويماي، تازا قالانى ساقتاۋعا اتسالىسۋدا.
بۇنداي باستامالار حالىق اراسىندا كەڭ تارالىپ جاتىر. ايتا كەتەيىك، ءىس-شارانىڭ العاشقى كۇنىنەن بەرى ەرىكتىلەر «تازا قازاقستان» اكتسياسى اياسىندا تۇرعىنداردى قالانى لاستاماۋعا شاقىرىپ، تەڭىز جاعالاۋىن ارتىق زاتتاردان تازالاپ كەلەدى.
-قالامىز ءۇشىن ماڭىزدى ءىس-شارادا الىس، جاقىننان قوناقتار كەلەتىنى بەلگىلى. ادام كوبەيگەن جەردە قوقىس سانى ارتىپ، تەڭىز جاعالاۋى لەزدە لاستانىپ جاتادى. قوناقتاردى كۇتىپ الۋ، كومەك كورسەتۋدەن بولەك، ۇزدىكسىز تازالىق جۇمىستارىن جۇرگىزىپ جاتىرمىز. وسى ارقىلى كوممۋنالدىق قىزمەت ماماندارىنا قول ۇشىمىزدى سوزدىق. بارشا تۇرعىنداردى تازالىقتى ساقتاۋعا شاقىرامىز! - دەدى ەرىكتى يسلام تىلەپوۆ.
