الماتى قالاسىنىڭ ناۋرىزباي اۋداندىق سوتىندا Qaznews24.kz ساتيرالىق پاراقشاسىنىڭ اۆتورى تەمىرلان ەڭسەبەككە قاتىستى سوت وتىرىسى ءوتتى. وعان ۇلتارالىق ارازدىقتى قوزدىردى دەگەن ايىپ تاعىلۋدا، دەپ حابارلايدى “ادىرنا” ۇلتتىق پورتالى.
سوت وتىرىسى بارىسىندا ادۆوكات پەن مەملەكەتتىك ايىپتاۋشى سوتتالۋشىدان جاۋاپ الدى. تەمىرلان ەڭسەبەك ءوزىنىڭ ىسىندە ناقتى دالەلدەردىڭ جوق ەكەنىن ايتىپ، جاريالاعان ماتەريالدارىنىڭ ۇلتارالىق ارازدىقتى قوزدىرۋ نيەتىنەن الىس ەكەنىن مالىمدەدى.
سوت پروتسەسى كەزىندە ەڭسەبەكتىڭ جاقتاستارى سوتتىڭ اشىق ءوتۋىن تالاپ ەتىپ، اۋداندىق سوت عيماراتىنىڭ الدىندا جينالدى. الايدا ولاردىڭ كوپشىلىگى پوليتسيا تاراپىنان ۇستالدى.
سوت وتىرىسى 11 ساۋىردە كۋاگەرلەردەن جاۋاپ الۋ ءۇشىن جالعاسادى.
