ارقالىق قالاسىندا 35 جاستاعى بلوگەر رەتىندە بەلگىلى ازامات زورلاۋ فاكتىسى بويىنشا ۇستالدى، دەپ حابارلايدى "ادىرنا" ۇلتتىق پورتالى.
«الدىن الا مالىمەتتەرگە سايكەس، كۇدىكتى كەيبىر جابىرلەنۋشىلەرگە قارىزعا اقشا بەرگەن. قارىزىن قايتارا الماعان جاعدايدا، ولاردان ينتيمدىك قاتىناس تالاپ ەتكەن. جابىرلەنۋشىلەر بۇعان كەلىسپەگەن كەزدە، ول ايەلدەرمەن ەركىنەن تىس جىنىستىق قاتىناسقا تۇسكەن»، – دەلىنگەن پوليتسيا مالىمدەمەسىندە.
قۇقىق قورعاۋ ورگاندارىنىڭ مالىمەتىنشە، جابىرلەنۋشىلەر اراسىندا كامەلەتكە تولماعاندار جوق.
بىرنەشە ارىز تۇسكەن سوڭ، بۇل ارەكەتتەر جۇيەلى سيپاتقا يە ەكەنى بەلگىلى بولعان. قاجەتتى سوت-مەديتسينالىق ساراپتامالار تاعايىندالىپ، بلوگەر ارنايى جاساقتىڭ كومەگىمەن ۇستالدى. قازىرگى ۋاقىتتا ول سوت سانكتسياسىمەن قاماۋعا الىنعان.
كۇدىكتىگە 9 جىلدان 12 جىلعا دەيىن باس بوستاندىعىنان ايىرۋ جازاسى تاعايىندالۋى مۇمكىن.
