2025 جىلى 5-6 ءساۋىر ارالىعىندا الماتى قالاسى نارحوز ۋنيۆەرسيتەتىندە رەسپۋبليكانىڭ بارلىق پىكىرسايىس كلۋبتارىن قامتيتىن تەو CUP XIV ءتۋرنيرى وتەدى.
تەو CUP رەسپۋبليكالىق ءتۋرنيرى – تەو جپم ءداستۇرى بويىنشا جىل سايىن ۇيىمداستىرىلاتىن رەسپۋبليكالىق تۋرنير. تەو CUP – رەسپۋبليكاداعى دەبات كلۋبتارى اراسىنداعى اۋقىمدى، تانىمال تۋرنيرلەردىڭ ءبىرى. پىكىرسايىس - جاس بۋىننىڭ سىني ويلاۋ مەن ۇتىمدى قارسىلىقتارىن كەلتىرە وتىرىپ وزەكتى ماسەلەنى جوعارى دەڭگەيدە شەشۋ جولدارىن ۇيرەتەتىن، ازاماتتىق ۇستانىمدى قالىپتاستىرىپ، كوشباسشىلىق قاسيەتتەرىن دامىتاتىن، جاستاردىڭ تۇلعا بولىپ قالىپتاسۋىندا ۇلكەن ۇلەس قوساتىن ونەر.
تەو CUP رەسپۋبليكالىق ءتۋرنيرىنىڭ ۋنيۆەرسيتەت قابىرعاسىندا ءوتۋى – تىڭ جانە وزىق يدەيالى جاستاردى انىقتاۋدا ماڭىزدى وقيعا. ناتيجەسىندە، تۋرنير جاڭا تالاپكەرلەردى تارتۋ، ۋنيۆەرسيتەت دەباتىن قالىپتاستىرۋ، اكادەميالىق ورتاعا ۇلەس قوسۋ، باق سەرىكتەستەردى تارتۋ مەن وزىندىك برەند پەن يميدج قالىپتاستىرۋدا ماڭىزدى.
Modern Kazakh – زاماناۋي قازاقستاندىق قوعامنىڭ بەت-بەينەسى، ونىڭ قۇندىلىقتارى، بولاشاعى جانە جاھاندانۋ جاعدايىنداعى ورنى. تۋرنير تەماتيكاسى جاستاردىڭ قوعامنىڭ وزەكتى ماسەلەلەرىندە تىسقارى قالىپ كەتپەي، ءوز ۇلەستەرىن قوسۋعا، ازامات دەگەن اتقا لايىق بولۋعا باۋليدى. پىكىرسايىسقا جاستاردى تارتۋ – پروگرەسسيۆتى، ادىلەتتى جانە سانالى قوعام قۇرۋدىڭ ماڭىزدى قادامى
تۋرنير الفا جانە بەتتا ليگالارىندا وتەدى. ويىننىڭ ءوتۋ فورماتتارى كەلەسىدەي: بريتاندىق پارلامەنتتىك فورمات (بپف), امەريكالىق پارلامەنتتىك فورمات (اپف) جانە لينكولن-دۋگلاس (لد).
پىكىرسايىستا قامتىلاتىن نەگىزگى تاقىرىپتار:
-
قازىرگى قازاقستانداعى الەۋمەتتىك وزگەرىستەر
-
ەكونوميكالىق دامۋ مەن يننوۆاتسيالار
-
جاستاردىڭ ءرولى جانە جاڭا كوشباسشىلار
-
ۇلتتىق بىرەگەيلىك پەن جاھاندانۋ
تەو CUP XIV تۋرنيرىندە كۇتىلەتىن قوناقتار:
-
ماقسات حالىق – SANA FOUNDATION قوعامدىق قورىنىڭ، SANA BUSINESS ACADEMY توراعاسى
-
ەربولات مۇحامەدجان – ەكونوميست، جۋرناليست جانە قوعام قايراتكەرى.
-
رۋسلان سۇلتانۇلى جەلدىباي — قازاقستان رەسپۋبليكاسىنىڭ پرەزيدەنتىنىڭ كەڭەسشىسى – پرەزيدەنتتىڭ ءباسپاسوز حاتشىسى.
رەسپۋبليكانىڭ ەڭ مىقتى پىكىرسايىسشىلارى قوعام مەن ەكونوميكاداعى، الەۋمەتتە بولىپ جاتقان وزەكتى ماسەلەلەردى ءارتۇرلى قىرىنان قاراستىرىپ، ءوز ويلارى مەن ۇسىنىستارىن دالەلمەن كەلتىرە وتىرىپ ەڭ ۇزدىك دەبات ويىنشىسىن انىقتايتىن بولادى. تەو CUP XIV ءتۋرنيرى – قوعامداعى وزەكتى ماسەلەلەرگە جاڭاشا كوزقاراسپەن قاراپ، كرەاتيۆتى شەشىمدەر ۇسىنۋدىڭ، سىني جانە كوممۋنيكاتيۆتى داعدىلاردى دامىتىپ، وزگەرىستەرگە ىقپال ەتە الاتىن بولاشاق كوشباسشىلاردى دايىنداۋدىڭ كاسىبي الاڭى.
تۋرنير نەگىزىندە كۇتىلەتىن ناتيجە:
-
ۋنيۆەرسيتەت بەدەلىنىڭ ارتۋى
-
جاڭا تالاپكەرلەر مەن سەرىكتەستەردى تارتۋ
-
ۇزدىك پىكىرسايىسشىلاردى انىقتاۋ
-
باق كوزدەرىنە شىعۋ
وسى ورايدا، وتكىزىلەيىن دەپ وتىرعان بۇل اۋقىمدى ءتۋرنيردىڭ جاڭالىقتارىن جىبەرىپ الماس ءۇشىن تەو جپم الەۋمەتتىك جەلىلەرىن باقىلاپ وتىرىڭىز.
كۇنى: 5-6 ءساۋىر 2025 جىل.
ۋاقىتى: 9:30
وتەتىن ورنى: جاندوسوۆ كوشەسى 55, نارحوز ۋنيۆەرسيتەتى
