بەينەباقىلاۋ جۇيەسىن دامىتۋ دا ماڭىزدى جۇمىس. بۇگىنگى تاڭدا الماتىدا 128 مىڭنان استام جەكە بەينەباقىلاۋ كامەراسى ورناتىلعان، ونىڭ تورتتەن ءبىر بولىگى عانا قالالىق پوليتسيا دەپارتامەنتىنىڭ جەدەل باسقارۋ ورتالىعىمەن بىرىكتىرىلگەن. بۇل تۋرالى پرەزيدەنت قاسىم-جومارت توقاەۆ قالا حالقىمەن كەزدەسۋ كەزىندە مالىمدەدى، دەپ حابارلايدى «ادىرنا» ءتىلشىسى.
اكىمدىك جەكە بەينەباقىلاۋ جۇيەلەرىن بىرىڭعاي ديسپەتچەرلىك پۋنكتكە ينتەگراتسيالاۋ جونىندەگى ەرەجەنى قابىلداۋى كەرەك. ارينە، مەنشىك يەسىنىڭ كەلىسىمىمەن.
سونداي-اق مەملەكەت باسشىسى بەينەباقىلاۋمەن قامتىلماعان وبەكتىلەردە 20 مىڭعا جۋىق كامەرا ورناتۋ قاجەت. ءجيى باراتىن قوعامدىق ورىندار، سونداي-اق ەڭ كوپ قۇقىق بۇزۋشىلىقتار ورىن الاتىن قالانىڭ اۋداندارى دابىل تۇيمەلەرىمەن جابدىقتالۋى كەرەك. قالانىڭ ءبىلىم بەرۋ جانە دەنساۋلىق ساقتاۋ مەكەمەلەرىنىڭ كەشەندى قاۋىپسىزدىگىن قامتاماسىز ەتۋ وتە ماڭىزدى ەكەنىن ايتتى.
«وندا قاۋىپسىزدىك كامەرالارىن، دابىل تۇيمەلەرىن، تۋرنيكەتتەردى، كۇزەت جانە ءورت دابىلدارىن ورناتۋ كەرەك. مەن بۇل تۋرالى ەگجەي-تەگجەيلى ايتىپ وتىرمىن، ويتكەنى بۇل ازاماتتاردىڭ قاۋىپسىزدىگى ءۇشىن وتە ماڭىزدى. بۇل تەحنولوگيانى ۆوكزالداردا، اۋەجايدا جانە باسقا دا ادامدار كوپ جينالاتىن جەرلەردە قولدانۋ وتە ماڭىزدى. بۇل جۇيە 2026 جىلعا قاراي قالادا تولىق جۇمىس ىستەۋى كەرەك»،- دەدى ءوز سوزىندە.
