الماتىدا اباي اتىنداعى قازاق ۇلتتىق پەداگوگيكالىق ۋنيۆەرسيتەتىءنىڭ 1-كۋرس ستۋدەنتى ۋنيۆەرسيتەت عيماراتىنان قۇلاپ، كوز جۇمدى. بۇل اقپاراتتى وقۋ ورنىنىڭ مەدياورتالىعى راستادى، دەپ حابارلايدى «ادىرنا» ءتىلشىسى.
قايعىلى وقيعا 6 مامىر كۇنى تاڭعى ساعات 09:00 شاماسىندا بولعان. ستۋدەنت 8-قاباتتان قۇلاپ، وقيعا ورنىندا قازا تاپقان.
ۋنيۆەرسيتەت مالىمەتىنشە، ول «فيلوسوفيا» ءبىلىم بەرۋ باعدارلاماسىنىڭ 1-كۋرسىندا مەملەكەتتىك گرانت نەگىزىندە ءبىلىم العان.
«ۋنيۆەرسيتەتتىڭ پسيحولوگيالىق قولداۋ قىزمەتىنىڭ دەرەگىنە سايكەس، ستۋدەنت وقۋ جىلى بارىسىندا پسيحولوگيالىق كومەككە جۇگىنبەگەن جانە ماماندار قابىلداۋىندا بولماعان. ونىڭ پسيحولوگيالىق جاعدايىنا قاتىستى ەشقانداي شاعىم نەمەسە الاڭداتارلىق بەلگى تىركەلمەگەن. وقىتۋشىلاردىڭ ايتۋىنشا، ستۋدەنت جاقسى وقىعان، تارتىپتىك ەسكەرتۋ الماعان»، – دەلىنگەن حابارلامادا.
ۋنيۆەرسيتەت باسشىلىعى مارقۇمنىڭ وتباسىمەن كەزدەسىپ، كوڭىل ايتىپ، جان-جاقتى قولداۋ كورسەتۋگە دايىن ەكەنىن مالىمدەدى.
قازىر وقيعانىڭ ءمان-جايىن ۋاكىلەتتى ورگاندار انىقتاپ جاتىر.
