رەسەيدىڭ سىرتقى ىستەر ءمينيسترى سەرگەي لاۆروۆ 11 ساۋىردە الماتىدا وتەتىن تاۋەلسىز مەملەكەتتەر دوستاستىعى (تمد) سىرتقى ىستەر مينيسترلەرى كەڭەسىنىڭ العاشقى وتىرىسىنا قاتىسادى، دەپ حابارلايدى “ادىرنا” ۇلتتىق پورتالى تاسس-قا سىلتەپ.
رەسەي ءسىم رەسمي وكىلى ماريا زاحاروۆانىڭ ايتۋىنشا، جيىن بارىسىندا مينيسترلەر حالىقارالىق جانە وڭىرلىك وزەكتى ماسەلەلەر بويىنشا پىكىر الماسىپ، 2025 جىلى تمد اياسىنداعى ينتەگراتسيالىق ءوزارا ءىس-قيمىلدىڭ باسىم باعىتتارىن تالقىلايدى.
“كەزدەسۋ بارىسىندا تمد-عا مۇشە مەملەكەتتەردىڭ ۇلى وتان سوعىسىنداعى جەڭىستىڭ 80 جىلدىعىن اتاپ وتۋگە دايىندىعى، سونداي-اق مادەني-گۋمانيتارلىق ىنتىماقتاستىق پەن شەكارالىق قاۋىپسىزدىكتى نىعايتۋ ماسەلەلەرىنە ەرەكشە نازار اۋدارىلادى”، – دەدى زاحاروۆا.
سونىمەن قاتار، مينيسترلەر 2024 جىلى تمد اياسىندا كوپدەڭگەيلى كونسۋلتاتسيالار جوسپارى مەن سىرتقى ساياسي ۆەدومستۆولار اراسىنداعى ارىپتەستىكتى جانداندىرۋ باعدارلاماسىنىڭ ورىندالۋ ناتيجەلەرىن قورىتىندىلايدى.
