رەسەي پرەزيدەنتى ۆلاديمير پۋتين ۋكراينا باسشىسى ۆلاديمير زەلەنسكيمەن كەزدەسۋگە كەلىستى، دەپ حابارلايدى "ادىرنا" ۇلتتىق پورتالى.
بۇل تۋرالى Fox News ەفيرىندە اقش مەملەكەتتىك حاتشىسى ماركو رۋبيو مالىمدەدى.
رۋبيونىڭ ايتۋىنشا، ەكى ەل كوشباسشىلارىنىڭ كەزدەسۋىن اقش پرەزيدەنتى دونالد ترامپ ۇسىنعان. قازىر امەريكالىق تاراپ بۇل باستامانى جۇزەگە اسىرۋ باعىتىندا جۇمىس جۇرگىزىپ جاتىر.
«ەگەر ءبارى ويداعىداي بولسا، كەلەسى كەزدەسۋ پۋتين، ترامپ جانە زەلەنسكيدىڭ باسقوسۋىمەن وتەدى دەپ سەنەمىن. سول جەردە كەلىسىمدى تۇپكىلىكتى بەكىتەمىز دەگەن وي بار. ازىرگە باستىسى – ءپۋتيننىڭ "زەلەنسكيمەن كەزدەسەمىن" دەگەن كەلىسىمى. بۇل ءۇش جارىم جىلدان بەرى بولماعان جاعداي»، – دەدى رۋبيو.
سونىمەن قاتار رەسەيدىڭ سىرتقى ىستەر ءمينيسترى سەرگەي لاۆروۆ تا پىكىر ءبىلدىرىپ، مۇنداي كەزدەسۋدىڭ جاقىن ارادا بولمايتىنىن اڭعارتتى.
«رەسەي ۋكراينا ماسەلەسىن رەتتەۋ بويىنشا ەشقانداي فورماتتان باس تارتپايدى. دەگەنمەن ەڭ جوعارعى دەڭگەيدەگى كەزدەسۋلەردى اسا مۇقيات دايىندىقپەن وتكىزۋ قاجەت»، – دەدى لاۆروۆ.
