Forbes جۋرنالى الەمدەگى ەڭ باي ادامداردىڭ جاڭارتىلعان ءتىزىمىن جاريالادى، دەپ حابارلايدى "ادىرنا" ۇلتتىق پورتالى.
وعان قازاقستاننان التى ادام ەنگەن.
قازاقستاندىقتاردىڭ اراسىندا كوش باسىنا ۆياچەسلاۆ كيم جايعاستى – ول 464-ورىندا، ونىڭ بايلىعى 7,1 ميلليارد دوللار دەپ باعالانادى. Forbes سايتىنىڭ مالىمەتىنشە، كيم – قازاقستانداعى ەڭ ءىرى فينتەح-كومپانيا سانالاتىن Kaspi.kz اكتسيونەرى جانە ديرەكتورلار كەڭەسىنىڭ توراعاسى.
ميحايل لومتادزە 597-ورىنعا يە بولدى، ونىڭ بايلىعى 5,9 ميلليارد دوللار دەپ باعالانعان.
ءۇشىنشى ورىندا تيمۋر تۋرلوۆ تۇر – ول 605-ورىنعا جايعاسقان، ونىڭ بايلىعى 5,8 ميلليارد دوللار. تۋرلوۆ – Freedom Holding-ءتىڭ نەگىزىن قالاۋشى جانە باس ديرەكتورى. بۇل كومپانيا قازاقستاندا، ورتالىق ازيادا، ەۋروپا مەن اقش-تا قارجىلىق قىزمەت كورسەتەدى.
تىزىمدە ۆلاديمير كيم دە بار. ول 620-ورىندا، ونىڭ بايلىعى 5,7 ميلليارد دوللار. ۆلاديمير كيم – «قازاحمىس» حولدينگىنىڭ پرەزيدەنتى.
673-ورىندا دينارا جانە تيمۋر قۇلىباەۆتار ورنالاسقان. ولار Halyk Bank پەن «المەكس» حولدينگتىك توبىنىڭ نەگىزگى يەلەرى. ولاردىڭ بايلىعى 5,3 ميلليارد دوللار دەپ باعالانادى.
قازاقستاندىقتاردان ءتىزىمدى بولات وتەمۇراتوۆ قورىتىندىلادى. ول 3,7 ميلليارد دوللار بايلىققا يە. Forbes-ءتىڭ مالىمەتىنشە، وتەمۇراتوۆ – قوناق ءۇي بيزنەسى مەن Kar-Tel, سونداي-اق قىرعىزستاندىق Sky Mobile ءموبيلدى بايلانىس وپەراتورلارىنا ينۆەستيتسيا سالعان كاسىپكەر.
ايتا كەتەرلىگى، اقش پرەزيدەنتى دونالد ترامپ بۇل تىزىمدە 711-ورىنعا جايعاسقان. ونىڭ بايلىعى 4,9 ميلليارد دوللار دەپ كورسەتىلگەن.
