Forbes jýrnaly álemdegi eń baı adamdardyń jańartylǵan tizimin jarııalady, dep habarlaıdy "Adyrna" ulttyq portaly.
Oǵan Qazaqstannan alty adam engen.
Qazaqstandyqtardyń arasynda kósh basyna Vıacheslav Kım jaıǵasty – ol 464-orynda, onyń baılyǵy 7,1 mıllıard dollar dep baǵalanady. Forbes saıtynyń málimetinshe, Kım – Qazaqstandaǵy eń iri fınteh-kompanııa sanalatyn Kaspi.kz akıoneri jáne dırektorlar keńesiniń tóraǵasy.
Mıhaıl Lomtadze 597-orynǵa ıe boldy, onyń baılyǵy 5,9 mıllıard dollar dep baǵalanǵan.
Úshinshi orynda Tımýr Týrlov tur – ol 605-orynǵa jaıǵasqan, onyń baılyǵy 5,8 mıllıard dollar. Týrlov – Freedom Holding-tiń negizin qalaýshy jáne bas dırektory. Bul kompanııa Qazaqstanda, Ortalyq Azııada, Eýropa men AQSh-ta qarjylyq qyzmet kórsetedi.
Tizimde Vladımır Kım de bar. Ol 620-orynda, onyń baılyǵy 5,7 mıllıard dollar. Vladımır Kım – «Qazahmys» holdınginiń prezıdenti.
673-orynda Dınara jáne Tımýr Qulybaevtar ornalasqan. Olar Halyk Bank pen «Almeks» holdıngtik tobynyń negizgi ıeleri. Olardyń baılyǵy 5,3 mıllıard dollar dep baǵalanady.
Qazaqstandyqtardan tizimdi Bolat Ótemuratov qorytyndylady. Ol 3,7 mıllıard dollar baılyqqa ıe. Forbes-tiń málimetinshe, Ótemuratov – qonaq úı bıznesi men Kar-Tel, sondaı-aq qyrǵyzstandyq Sky Mobile mobıldi baılanys operatorlaryna ınvestıııa salǵan kásipker.
Aıta keterligi, AQSh prezıdenti Donald Tramp bul tizimde 711-orynǵa jaıǵasqan. Onyń baılyǵy 4,9 mıllıard dollar dep kórsetilgen.
