Donald Tramptan bai qazaqtar. Forbes eŋ bai adamdardyŋ jaŋa tızımın jariialady

Forbes jurnaly älemdegı eŋ bai adamdardyŋ jaŋartylǧan tızımın jariialady, dep habarlaidy "Adyrna" ūlttyq portaly. Oǧan Qazaqstannan alty adam engen. Qazaqstandyqtardyŋ arasynda köş basyna Viacheslav Kim jaiǧasty – ol 464-orynda, onyŋ bailyǧy 7,1 milliard dollar dep baǧalanady. Forbes saitynyŋ mälımetınşe, Kim – Qazaqstandaǧy eŋ ırı finteh-kompaniia sanalatyn Kaspi.kz aksionerı jäne direktorlar keŋesınıŋ töraǧasy. Mihail Lomtadze 597-orynǧa ie boldy, onyŋ bailyǧy 5,9 milliard dollar dep baǧalanǧan. Üşınşı orynda Timur Turlov tūr – ol 605-orynǧa jaiǧasqan, onyŋ bailyǧy 5,8 milliard dollar. Turlov – Freedom Holding-tıŋ negızın qalauşy jäne bas direktory. Būl kompaniia Qazaqstanda, Ortalyq Aziiada, Europa men AQŞ-ta qarjylyq qyzmet körsetedı. Tızımde Vladimir Kim de bar.  Ol 620-orynda, onyŋ bailyǧy 5,7 milliard dollar. Vladimir Kim – «Qazahmys» holdingınıŋ prezidentı. 673-orynda Dinara jäne Timur Qūlybaevtar ornalasqan. Olar Halyk Bank pen «Almeks» holdingtık tobynyŋ negızgı ielerı. Olardyŋ bailyǧy 5,3 milliard dollar dep baǧalanady. Qazaqstandyqtardan tızımdı Bolat Ötemūratov qorytyndylady. Ol 3,7 milliard dollar bailyqqa ie. Forbes-tıŋ mälımetınşe, Ötemūratov – qonaq üi biznesı men Kar-Tel, sondai-aq qyrǧyzstandyq Sky Mobile mobildı bailanys operatorlaryna investisiia salǧan käsıpker. Aita keterlıgı, AQŞ prezidentı Donald Tramp būl tızımde 711-orynǧa jaiǧasqan. Onyŋ bailyǧy 4,9 milliard dollar dep körsetılgen.