ۇقشۇ باس حاتشىسى يمانعالي تاسماعامبەتوۆ الەۋمەتتىك جەلىدە ءوزىن ايىپتاعاندارعا قاتىستى مالىمدەمە جاسادى، دەپ حابارلايدى “ادىرنا” ۇلتتىق پورتالى.
ول ءوزىنىڭ ەشقاشان حالقىنا قارسى ارەكەت ەتپەگەنىن، ەلىنىڭ يگىلىگىنە قىزمەت ەتكەنىن جانە قانداي دا ءبىر قىزمەتتە ۇيالاتىن ەشتەڭەسى جوق ەكەنىن ايتتى.
تاۋەلسىزدىك جىلدارىندا ەلگە قىزمەت ەتىپ، ازدى-كوپتى ۇلەس قوسقان تاسماعامبەتوۆ بۇل جولدا ءتۇرلى سىناقتاردان وتكەنىن، ماراپاتتار مەن سىنداردىڭ قاتار جۇرگەنىن اتاپ ءوتتى. سونىمەن قاتار، الەۋمەتتىك جەلىلەردە ءوزىن «رەسەيشىل» دەپ ايىپتاعاندارعا جاۋاپ بەردى.
«مەن قازاقتىڭ رۋحىن ءسىڭىرىپ وسكەن اداممىن. كەلىسسوزدىڭ كۇشى ەمەس، زىمىراننىڭ مىسى باسىپ تۇرعان مىنا زاماندا حالىقارالىق اسكەري ۇيىمعا ەلىمنىڭ اتىنان بارىپ، قاۋىپسىزدىك ءۇشىن قىزمەت ەتكەنىم ءۇشىن كىنالىمىن بە؟» – دەپ مالىمدەدى ول.
قايراتكەر قانداي دا ءبىر جالعان ايىپتاۋلارعا نازار اۋدارماعانىن جانە ءوزىنىڭ ادال قىزمەت ەتكەنىنە ايتتى.
«ەل-جۇرتىم سەنىپ تاپسىرعان قاي قىزمەت، قانداي جۇمىس بولسىن – ۇيالاتىن ەشتەڭەم جوق. مەن ءۇشىن حالقىمنىڭ مۇددەسىنەن بيىك ەشتەڭە بولعان ەمەس»، – دەپ تۇيىندەدى تاسماعامبەتوۆ.
سونىمەن قاتار، ول بارشا قازاقستاندىقتاردى ورازا ايت مەرەكەسىمەن قۇتتىقتاپ، ەلىمىزگە اماندىق تىلەدى.
يمانعالي تاسماعامبەتوۆ 2002–2003 جىلدارى قازاقستان پرەمەر-ءمينيسترى، 2008—2014 جىلدارى استانا قالاسىنىڭ اكىمى، 2014–2016 جىلدارى قازاقستان قورعانىس ءمينيسترى، ال 2017–2019 جىلدارى قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى قىزمەتتەرىن اتقارعان.
2022 جىلدان باستاپ ۇقشۇ باس حاتشىسى قىزمەتىندە.
ۆيدەونى ءبىزدىڭ ينستاگرام الەۋمەتتىك جەلىسىنەن كورە الاسىزدار
