UQShU bas hatshysy Imanǵalı Tasmaǵambetov áleýmettik jelide ózin aıyptaǵandarǵa qatysty málimdeme jasady, dep habarlaıdy “Adyrna” ulttyq portaly.
Ol óziniń eshqashan halqyna qarsy áreket etpegenin, eliniń ıgiligine qyzmet etkenin jáne qandaı da bir qyzmette uıalatyn eshteńesi joq ekenin aıtty.
Táýelsizdik jyldarynda elge qyzmet etip, azdy-kópti úles qosqan Tasmaǵambetov bul jolda túrli synaqtardan ótkenin, marapattar men syndardyń qatar júrgenin atap ótti. Sonymen qatar, áleýmettik jelilerde ózin «reseıshil» dep aıyptaǵandarǵa jaýap berdi.
«Men qazaqtyń rýhyn sińirip ósken adammyn. Kelissózdiń kúshi emes, zymyrannyń mysy basyp turǵan myna zamanda halyqaralyq áskerı uıymǵa elimniń atynan baryp, qaýipsizdik úshin qyzmet etkenim úshin kinálimin be?» – dep málimdedi ol.
Qaıratker qandaı da bir jalǵan aıyptaýlarǵa nazar aýdarmaǵanyn jáne óziniń adal qyzmet etkenine aıtty.
«El-jurtym senip tapsyrǵan qaı qyzmet, qandaı jumys bolsyn – uıalatyn eshteńem joq. Men úshin halqymnyń múddesinen bıik eshteńe bolǵan emes», – dep túıindedi Tasmaǵambetov.
Sonymen qatar, ol barsha qazaqstandyqtardy Oraza aıt merekesimen quttyqtap, elimizge amandyq tiledi.
Imanǵalı Tasmaǵambetov 2002–2003 jyldary Qazaqstan premer-mınıstri, 2008—2014 jyldary Astana qalasynyń ákimi, 2014–2016 jyldary Qazaqstan Qorǵanys mınıstri, al 2017–2019 jyldary Qazaqstan Respýblıkasynyń Reseı Federaııasyndaǵy tótenshe jáne ókiletti elshisi qyzmetterin atqarǵan.
2022 jyldan bastap UQShU Bas hatshysy qyzmetinde.
Vıdeony bizdiń ınstagram áleýmettik jelisinen kóre alasyzdar
