Mäskeude jariialanǧan mälımdeme. Tasmaǧambetov özın synaǧandarǧa jauap berdı

ŪQŞŪ bas hatşysy İmanǧali Tasmaǧambetov äleumettık jelıde özın aiyptaǧandarǧa qatysty mälımdeme jasady, dep habarlaidy “Adyrna” ūlttyq portaly. Ol özınıŋ eşqaşan halqyna qarsy äreket etpegenın, elınıŋ igılıgıne qyzmet etkenın jäne qandai da bır qyzmette ūialatyn eşteŋesı joq ekenın aitty. Täuelsızdık jyldarynda elge qyzmet etıp, azdy-köptı üles qosqan Tasmaǧambetov būl jolda türlı synaqtardan ötkenın, marapattar men syndardyŋ qatar jürgenın atap öttı. Sonymen qatar, äleumettık jelılerde özın «reseişıl» dep aiyptaǧandarǧa jauap berdı. «Men qazaqtyŋ ruhyn sıŋırıp ösken adammyn. Kelıssözdıŋ küşı emes, zymyrannyŋ mysy basyp tūrǧan myna zamanda halyqaralyq äskeri ūiymǧa elımnıŋ atynan baryp, qauıpsızdık üşın qyzmet etkenım üşın kınälımın be?» – dep mälımdedı ol. Qairatker qandai da bır jalǧan aiyptaularǧa nazar audarmaǧanyn jäne özınıŋ adal qyzmet etkenıne aitty. «El-jūrtym senıp tapsyrǧan qai qyzmet, qandai jūmys bolsyn – ūialatyn eşteŋem joq. Men üşın halqymnyŋ müddesınen biık eşteŋe bolǧan emes», – dep tüiındedı Tasmaǧambetov. Sonymen qatar, ol barşa qazaqstandyqtardy Oraza ait merekesımen qūttyqtap, elımızge amandyq tıledı. İmanǧali Tasmaǧambetov 2002–2003 jyldary Qazaqstan premer-ministrı, 2008—2014 jyldary Astana qalasynyŋ äkımı, 2014–2016 jyldary Qazaqstan Qorǧanys ministrı, al 2017–2019 jyldary Qazaqstan Respublikasynyŋ Resei Federasiiasyndaǧy tötenşe jäne ökılettı elşısı qyzmetterın atqarǧan. 2022 jyldan bastap ŪQŞŪ Bas hatşysy qyzmetınde. Videony bızdıŋ instagram äleumettık jelısınen köre alasyzdar