الماتى وبلىسى ەڭبەكشىقازاق اۋدانى، ەسىك قالاسىنداعى مەشىتتىڭ ماڭىنان جاس جىگىتتىڭ ءمايىتى تابىلدى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىلەردە 29 ناۋرىزعا قاراعان ءتۇنى مەشىتكە جاقىن جەردە جاس جىگىتتىڭ قازا تاپقانى تۋرالى اقپارات تاراعان. الماتى وبلىستىق پوليتسيا دەپارتامەنتى بۇل مالىمەتتى راستادى.
قۇقىق قورعاۋ ورگاندارىنىڭ مالىمدەۋىنشە، قازىرگى ۋاقىتتا قىلمىسقا كۇدىكتى تۇلعا انىقتالىپ، ونى ۇستاۋعا باعىتتالعان جەدەل-ىزدەستىرۋ شارالارى جۇرگىزىلىپ جاتىر.
“وقيعانىڭ ءمان-جايى انىقتالىپ، بارلىق قاتىسۋشىلار مەن كۋاگەرلەردەن جاۋاپ الىنىپ جاتىر. كىسى ءولتىرۋ دەرەگى بويىنشا سوتقا دەيىنگى تەرگەۋ باستالدى”، – دەپ حابارلادى دەپارتامەنت وكىلدەرى.
پوليتسيا بۇل ءىستىڭ وبلىستىق دەپارتامەنت باسشىلىعىنىڭ ەرەكشە باقىلاۋىندا ەكەنىن اتاپ ءوتتى. قۇقىق قورعاۋ ورگاندارى وقيعانىڭ تولىق ءمان-جايىن انىقتاپ، تەرگەۋ ناتيجەلەرى بويىنشا قوسىمشا اقپارات بەرەتىنىن مالىمدەدى.
ۇقساس جاڭالىقتار
