Almaty oblysy Eńbekshiqazaq aýdany, Esik qalasyndaǵy meshittiń mańynan jas jigittiń máıiti tabyldy, dep habarlaıdy "Adyrna" ulttyq portaly.
Áleýmettik jelilerde 29 naýryzǵa qaraǵan túni meshitke jaqyn jerde jas jigittiń qaza tapqany týraly aqparat taraǵan. Almaty oblystyq polıııa departamenti bul málimetti rastady.
Quqyq qorǵaý organdarynyń málimdeýinshe, qazirgi ýaqytta qylmysqa kúdikti tulǵa anyqtalyp, ony ustaýǵa baǵyttalǵan jedel-izdestirý sharalary júrgizilip jatyr.
“Oqıǵanyń mán-jaıy anyqtalyp, barlyq qatysýshylar men kýágerlerden jaýap alynyp jatyr. Kisi óltirý deregi boıynsha sotqa deıingi tergeý bastaldy”, – dep habarlady departament ókilderi.
Polıııa bul istiń oblystyq departament basshylyǵynyń erekshe baqylaýynda ekenin atap ótti. Quqyq qorǵaý organdary oqıǵanyń tolyq mán-jaıyn anyqtap, tergeý nátıjeleri boıynsha qosymsha aqparat beretinin málimdedi.
