اقش پرەزيدەنتى دونالد ترامپ امەريكالىق مۇسىلمان قاۋىمىنىڭ وكىلدەرى مەن بىرنەشە مۇسىلمان ەلدەرىنىڭ ديپلوماتتارى ءۇشىن اۋىزاشار وتكىزدى. بۇل – ونىڭ ەكىنشى پرەزيدەنتتىك مەرزىمىندەگى العاشقى شاراسى، دەپ حابارلايدى “ادىرنا” ۇلتتىق پورتالى.
ترامپ مۇسىلمان قاۋىمىنا العىس ايتتى
پرەزيدەنت ءوز ءسوزىن “رامازان ايى قۇتتى بولسىن” دەپ باستاپ، 2024 جىلعى قاراشاداعى پرەزيدەنتتىك سايلاۋدا مۇسىلماندار تاراپىنان كورسەتىلگەن قولداۋعا ەرەكشە ريزاشىلىعىن ءبىلدىردى.
“مەن 2024 جىلعى پرەزيدەنتتىك سايلاۋدا رەكوردتىق قولداۋ كورسەتكەن جۇزدەگەن مىڭ مۇسىلمان امەريكاندىقتارعا ەرەكشە العىس ايتقىم كەلەدى”، – دەدى ترامپ.
اۋىزاشارعا ساۋد ارابياسى، مىسىر، ءباا، كاتار، ليۆان، پاكىستان جانە باسقا دا ەلدەردىڭ وكىلدەرى قاتىستى. پرەزيدەنت ترامپ مۇسىلمان ەلدەرىمەن ارىپتەستىكتى نىعايتۋعا نيەتتى ەكەنىن جەتكىزدى.
شاراعا جينالعان قوناقتار اقش-تاعى مۇسىلمانداردىڭ قوعامداعى ءرولىنىڭ ارتىپ كەلە جاتقانىن اتاپ ءوتىپ، رامازان ايىندا ۇيىمداستىرىلعان بۇل كەزدەسۋ مادەني جانە ءدىني ديالوگتى دامىتۋعا وڭ ىقپال ەتەتىنىن ايتتى.
