AQSh prezıdenti Donald Tramp amerıkalyq musylman qaýymynyń ókilderi men birneshe musylman elderiniń dıplomattary úshin aýyzashar ótkizdi. Bul – onyń ekinshi prezıdenttik merzimindegi alǵashqy sharasy, dep habarlaıdy “Adyrna” ulttyq portaly.
Tramp musylman qaýymyna alǵys aıtty
Prezıdent óz sózin “Ramazan aıy qutty bolsyn” dep bastap, 2024 jylǵy qarashadaǵy prezıdenttik saılaýda musylmandar tarapynan kórsetilgen qoldaýǵa erekshe rızashylyǵyn bildirdi.
“Men 2024 jylǵy prezıdenttik saılaýda rekordtyq qoldaý kórsetken júzdegen myń musylman amerıkandyqtarǵa erekshe alǵys aıtqym keledi”, – dedi Tramp.
Aýyzasharǵa Saýd Arabııasy, Mysyr, BAÁ, Katar, Lıvan, Pákistan jáne basqa da elderdiń ókilderi qatysty. Prezıdent Tramp musylman elderimen áriptestikti nyǵaıtýǵa nıetti ekenin jetkizdi.
Sharaǵa jınalǵan qonaqtar AQSh-taǵy musylmandardyń qoǵamdaǵy róliniń artyp kele jatqanyn atap ótip, Ramazan aıynda uıymdastyrylǵan bul kezdesý mádenı jáne dinı dıalogty damytýǵa oń yqpal etetinin aıtty.
