ەكس-پروكۋرور مەن بۇرىنعى قارجى پوليتسياسى باسشىسى “قورعاس ىسىنە” قاتىسى بار دەپ كۇدىككە ءىلىندى، دەپ حابارلايدى “ادىرنا” ۇلتتىق پورتالى kris_p_amaty Telegram ارناسىنا سىلتەپ.
قازاقستاننىڭ بۇرىنعى باس پروكۋرورى، قارجى مونيتورينگى اگەنتتىگىنىڭ ەكس-توراعاسى قايرات قوجامجاروۆ اتىشۋلى “قورعاس ىسىنە” بايلانىستى قىلمىستىق ىستەردىڭ فيگۋرانتى رەتىندە تەرگەلۋدە. بۇل اقپاراتتى ەلىمىزدىڭ باس پروكۋراتۋراسى راستادى.
قولدا بار مالىمەتتەرگە سايكەس، قوجامجاروۆ ەلدەن شىعىپ كەتكەن جانە قازىرگى ۋاقىتتا ماسكەۋدە جۇرگەنى حابارلاندى. ونىڭ كەتۋى تەرگەۋدىڭ قىزعان شاعىنا ءدال كەلىپ، قوعامدا ۇلكەن پىكىرتالاس تۋدىردى.
ارنا مالىمەتىنشە، وقيعا اياسىندا بۇعان دەيىن سوتتالعان جوعارى لاۋازىمدى تۇلعالاردىڭ ىستەرىن قايتا قاراۋ ماسەلەسى قايتا كوتەرىلدى. ولاردىڭ قاتارىندا ەكس-مينيستر سەرىك احمەتوۆ پەن “استانا ەكسپو-2017” ۇلتتىق كومپانياسىنىڭ بۇرىنعى باسشىسى تالعات ەرمەگياەۆ بار. ەرمەگياەۆ ءوزىنىڭ قۋدالانۋىنا قوجامجاروۆتىڭ تىكەلەي قاتىسى بولعانىن مالىمدەگەن.
زاڭگەرلەر مەن قۇقىق قورعاۋشىلار تەرگەۋ ماتەريالدارىندا زاڭبۇزۋشىلىق بەلگىلەرىنىڭ بارىن ايتىپ، ىستەردى قايتا قاراۋدى جانە ادىلەتسىز ايىپتاۋلارعا جول بەرگەن لاۋازىمدى تۇلعالاردى جاۋاپقا تارتۋدى تالاپ ەتۋدە.
