ۇلتتىق اقپارات كەڭىستىگىندە "قاڭتار وقيعاسى" جايلى ءسوز قوزعاماق بولعان قاۋىمدى يتكە تەڭەگەن بيلىك وكىلىنىڭ ۆيدەوسى تارادى. تۇتاس قاۋىمدى يتكە تەڭەگەن شەندى - باس پروكۋراتۋرانىڭ پارلامەنتتەگى وكىلى مەيرامباي كەمالوۆ. شەنەۋنىكتىڭ بۇل وكتەمدىگى كوپ ادامنىڭ اشۋىن تۋعىزىپ، ايتارلىقتاي قارسىلىققا ۇشىراپ جاتىر، دەپ حابارلايدى "ادىرنا" ۇلتتىق پورتالى.
قازنەتتە باس پروكۋراتۋرانىڭ پارمامەنتتەگى وكىلى مەيرامباي كەمالوۆتىڭ قاڭتار جايلى سۇراق قويماق بولعاندارعا «كەتىڭدەر، سەندەر يتسىڭدەر» دەپ جاۋاپ بەرگەن ۆيدەوسى تاراپ جاتىر. بۇعان قاتىستى جۋرناليست اسان انارباي:
- قر باس پروكۋراتۋراسى QAŃTAR’دىڭ 40 وتىرىگىن قۇرايمىن دەپ باسىنا كۇن تيگەن دەرسىڭ. اقوردا ءجيى ايتاتىن زاڭ ۇستەمدىگى راس بولسا قوعام جىل بويى كۇتكەن سۇراقتارعا جاۋاپ الۋعا تالپىنعان ارىپتەستەرگە قاراتا يتكە تەڭەگەن پروكۋراتۋرا وكىلى مەيرامباي كەمالوۆ قىزمەتتەن قۋىلسىن! - دەپ جازدى.
وزگە دە اقپارات وكىلدەرى مەن قوعام بەلسەندىلەرى شەندىنىڭ بۇل ارەكەتىن سۇراقتان جالتارۋ دەپ سانايدى.
View this post on Instagram
- ارىپتەستەرىمە "كەتتىڭدەر", "يتسىڭدەر" دەدى مە؟ ەلدىڭ تاعدىرى سىنعا تۇسكەن قاڭتار وقيعاسىندا قاتىستى سۇراققا وسىنداي جاۋاپ الدى. ءبىز ەشتەڭەدەن دە ساباق الماپپىز. ءبىر كۇننىڭ قامى. "بىردەڭە دەسەم، ەرتەڭ ءسوزىم وزىمە قارسى شىعا ما؟" دەگەن قورقىنىش بار. جۋرناليستەردى سوڭىنان شۇبىرتىپ قويىپ، تىعىلاتىن جەر ىزدەپ جۇرەدى.... (بۇل - تەك كەشەگى جاعداي ەمەس، ءبىرازدان بەرى كوز الدىمىزدا قالىپتاسقان سۋرەت) ءاۋ باستا ايتىلعان اقپاراتتى تۇرلەندىرىپ، ءبىر جىل جازىپ كەلدىك. ەلدىڭ دە، ارىپتەستەردىڭ دە تىڭ اقپارات كۇتەتىنى انىق. ءجۋرناليستىڭ مىندەتى - اقپارات تاراتۋ. ول ويىنا كەلگەندى جازا المايدى. شىنايى اقپارات جازىلسىن دەسەڭ، ناقتى، دۇرىس دەرەك ايت، قۇرمەتتى قۇزىرلى ورگان وكىلدەرى، ءتيىستى ماماندار. ايتارىڭ جوق بولسا، ۇندەمە، - دەپ جازدى جۋرناليست بوتاگوز جوكەنقىزى.
"ادىرنا" ۇلتتىق پورتالى
