Eks-prokýror men burynǵy qarjy polıııasy basshysy “Qorǵas isine” qatysy bar dep kúdikke ilindi, dep habarlaıdy “Adyrna” ulttyq portaly kris_p_amaty Telegram arnasyna siltep.
Qazaqstannyń burynǵy bas prokýrory, qarjy monıtorıngi agenttiginiń eks-tóraǵasy Qaırat Qojamjarov atyshýly “Qorǵas isine” baılanysty qylmystyq isterdiń fıgýranty retinde tergelýde. Bul aqparatty elimizdiń Bas prokýratýrasy rastady.
Qolda bar málimetterge sáıkes, Qojamjarov elden shyǵyp ketken jáne qazirgi ýaqytta Máskeýde júrgeni habarlandy. Onyń ketýi tergeýdiń qyzǵan shaǵyna dál kelip, qoǵamda úlken pikirtalas týdyrdy.
Arna málimetinshe, oqıǵa aıasynda buǵan deıin sottalǵan joǵary laýazymdy tulǵalardyń isterin qaıta qaraý máselesi qaıta kóterildi. Olardyń qatarynda eks-mınıstr Serik Ahmetov pen “Astana EKSPO-2017” ulttyq kompanııasynyń burynǵy basshysy Talǵat Ermegııaev bar. Ermegııaev óziniń qýdalanýyna Qojamjarovtyń tikeleı qatysy bolǵanyn málimdegen.
Zańgerler men quqyq qorǵaýshylar tergeý materıaldarynda zańbuzýshylyq belgileriniń baryn aıtyp, isterdi qaıta qaraýdy jáne ádiletsiz aıyptaýlarǵa jol bergen laýazymdy tulǵalardy jaýapqa tartýdy talap etýde.
