باس پروكۋروردىڭ ورىنباسارى جاندوس ومىراليەۆ ۇلتتىق قاۋىپسىزدىك كوميتەتى توراعاسىنىڭ بۇرىنعى ورىنباسارى سامات ءابىشتىڭ بۇلتارتپاۋ شاراسىن وزگەرتۋگە نەگىز جوق ەكەنىن ايتتى. بۇل تۋرالى ول ءماجىلىس كۋلۋارىندا مالىمدەدى، دەپ حابارلايدى “ادىرنا” ۇلتتىق پورتالى.
“سامات ابىشكە قاتىستى ەشقايدا كەتپەۋ تۋرالى بۇلتارتپاۋ شاراسى ءوز كۇشىندە. بۇگىندە بۇل شارا ساقتالىپ وتىر. ونى وزگەرتۋگە نەگىز جوق", - دەدى جاندوس ومىراليەۆ.
سونداي-اق، ول ۇلتتىق قاۋىپسىزدىك كوميتەتى توراعاسىنىڭ بۇرىنعى ءبىرىنشى ورىنباسارىنا قاتىستى ءىستى ارنايى پروكۋرورلار تەرگەپ جاتقانىن ايتتى.
ەسكە سالساق، سامات ءابىش ۇقك-ءنىڭ ۇستالعان بۇرىنعى باسشىلارىنا قاتىستى قىلمىستىق ءىس بويىنشا كۋاگەر بولعان. وتكەن جىلدىڭ شىلدە ايىندا ۇلتتىق قاۋىپسىزدىك كوميتەتى ودان كۋاگەر رەتىندە جاۋاپ الىنعانىن، الايدا ابىشكە قاتىستى قىلمىستىق ىستەر ۇلتتىق قاۋىپسىزدىك ورگاندارىمەن تىركەلمەگەنىن، بۇلتارتپاۋ شاراسى قولدانىلماعانىن حابارلادى.
باس پروكۋراتۋرا سامات ابىشكە قاتىستى قاڭتار وقيعاسى كەزىندە بيلىك پەن لاۋازىمدىق وكىلەتتىكتەردى اسىرا پايدالانۋ فاكتىسى بويىنشا تەرگەۋ ءىسىن باستاعان ەدى.
