باتىس قازاقستان وبلىسىنىڭ جانىبەك اۋدانىندا بەلگىسىز ۇشقىشسىز ۇشۋ اپپاراتىنىڭ (ۇۇا) بولىكتەرى تابىلدى. بۇل تۋرالى وبلىستىق پوليتسيا دەپارتامەنتى راستادى، دەپ حابارلايدى “ادىرنا” ۇلتتىق پورتالى.
"باتىس قازاقستان وبلىسى پوليتسيا دەپارتامەنتى ءتيىستى قىزمەتتەرمەن بىرگە جانىبەك اۋدانىندا ۇشقىشسىز ۇشۋ اپپاراتىنىڭ بولشەكتەرىنە ۇقساس زاتتاردىڭ تابىلۋ فاكتىسى بويىنشا تەكسەرۋ جۇمىستارىن جۇرگىزىپ جاتىر", - دەپ حابارلادى ۆەدومستۆونىڭ ءباسپاسوز قىزمەتى.
پوليتسيا دەپارتامەنتى بۇل وبەكتىنى تۇرعىنداردان الىس، وقشاۋلانعان جەردە تاپقانىن ناقتىلادى. وقيعانىڭ بارلىق ءمان-جايى انىقتالۋدا.
ايتا كەتسەك، اتالعان اقپارات 2025 جىلدىڭ 24 ناۋرىزىندا، ساعات 21:15-تە تەلەگرام-ارنالاردا تارالعان بولاتىن.
وقيعا ورنىنا جانىبەك اۋدانىنىڭ ۋچاسكەلىك پوليتسيا قىزمەتكەرلەرى، اۋداندىق پوليتسيا ءبولىمىنىڭ جەدەل-تەرگەۋ توبى، پەريمەتر توپتارى، توتەنشە جاعدايلار ءبولىمىنىڭ قىزمەتكەرلەرى، جەرگىلىكتى اتقارۋشى ورگاندار مەن پروكۋراتۋرا وكىلدەرى باردى.
بۇل باتىس قازاقستان وبلىسىندا ۇشقىشسىز ۇشۋ اپپاراتىنىڭ قۇلاۋىمەن بايلانىستى ءۇشىنشى وقيعا.
ەسكە سالا كەتەيىك، بۇعان دەيىن باتىس قازاقستان وبلىسى ۇيالى اۋىلىنان دا ۇشقىشسىز ۇشۋ اپپاراتى تابىلعانىن جازعان ەدىك. ودان كەيىن ەكىنشى رەت 18 ناۋرىزدا تاسقالا اۋدانىندا ءۇش مەترلىك درون قۇلاعان ەدى.
