اقش-تىڭ ۇشقىشسىز جويعىش ۇشاعى دا سىناقتان ءساتتى ءوتتى

فوتو: TWZ Reader

Anduril كومپانياسىنىڭ YFQ-44A اتتى «ۇشقىشسىز جويعىش» ءپروتوتيپى العاشقى ۇشۋىن ورىندادى، دەپ حابارلايدى “ادىرنا”.

The War Zone باسىلىمىنىڭ وقىرمانى وڭتۇستىك كاليفورنياداعى ۆيكتورۆيلل اۆيابازاسىندا ۇشىپ بارا جاتقان YFQ-44A ۇشاعىنىڭ سۋرەتتەرىن جۋرناليستەرمەن بولىسكەن. ۇشقىشسىز اپپاراتتى ەكى L-29 «دەلفين» وقۋ-جاتتىعۋ ۇشاعى سۇيەمەلدەگەن.

YFQ-44A – اقش ااك-ءنىڭ «بىرلەسكەن ۇرىس ۇشۋ اپپاراتى» (Collaborative Combat Aircraft, CCA) باعدارلاماسىنىڭ ءبىرىنشى كەزەڭى اياسىندا ازىرلەنىپ جاتقان ەكى جوبانىڭ ءبىرى. ەكىنشى جوبا – General Atomics كومپانياسىنىڭ YFQ-42A ۇشاعى، ول بيىلدىڭ باسىندا العاش رەت اۋەگە كوتەرىلگەن بولاتىن.

جاڭا جويعىش كوپفۋنكتسيالى ۇشقىشسىز پلاتفورما رەتىندە جاسالعان. ول پيلوتتالعان جويعىشتارمەن بىرلەسە ارەكەت ەتۋگە دە، سونداي-اق دەربەس ۇرىس جاعدايىندا بارلاۋ جۇرگىزىپ، سوققى بەرۋگە دە قابىلەتتى.

ايتا كەتەيىك، بۇعان دەيىن قىتايدىڭ حاربين قالاسىندا Harbin United Aircraft Technology Co.، Ltd. كورپوراتسياسى ازىرلەگەن T1400 اتتى اۋىر سالماقتى ۇشقىشسىز تىكۇشاق ءوزىنىڭ العاشقى سىناقتىق ۇشۋىن ءساتتى ورىنداعانىن حابارلادىق.

بۇل اۋە اپپاراتىنىڭ ەڭ جوعارى ۇشۋ ماسساسى – 1400 كيلوگرامم، اۋەدە سەگىز ساعاتقا دەيىن ۇشا الادى. ونىڭ جۇمىس بيىكتىگى – 6500 مەتر، ال كولدەنەڭ ۇشۋ جىلدامدىعى – ساعاتىنا 180 كيلومەترگە دەيىن جەتەدى.