پاريجدە اكتەر جەرار دەپاردەگە قاتىستى سەكسۋالدىق قىسىم كورسەتتى دەگەن ايىپپەن سوت پروتسەسى باستالدى. كەزدەسۋ الدىندا اكتەردىڭ ادۆوكاتى بارلىق ايىپتاردى جوققا شىعاردى، بۇل تۋرالى 24 ناۋرىزدا AFP جازدى، دەپ حابارلايدى “ادىرنا” ۇلتتىق پورتالى.
"بارلىق ايىپتاۋلار جالعان. شىندىق ءبىزدىڭ تاراپىمىزدا", - دەپدى ادۆوكات جەرەمي اسسۋ.
ول ايىپتاۋلاردى "وبەكتيۆتى، بەيتاراپ جانە دالەلدەنگەن تۇردە" جوققا شىعاراتىندارىن ايتتى.
سونداي-اق، اسسۋ اكتەر جۇرەگىنە وپەراتسيا جاساعانىن جانە قانت ديابەتىمەن اۋىراتىنىگ ايتتى. سوتتىڭ تاعايىنداعان مەديتسينالىق ساراپشىسى دەپاردەنىڭ سوتقا قاتىسا الاتىنىن انىقتادى، بىراق تىڭداۋلاردىڭ ارقايسىسى 6 ساعاتتان اسپاۋىن جانە ءار 15 مينۋت سايىن ءۇزىلىس جاساۋىگ ۇسىندى.
76 جاستاعى دەپاردەنى سوت زالىنا قىزى روكسانا، ونىڭ اناسى جانە اكتەردىڭ بۇرىنعى سۇيىكتىسى كارين سيللا، سونداي-اق اكتريسا فانني اردان قولداۋعا كەلدى. سوڭعىسى قورعاۋ جاعىنان كۋاگەر رەتىندە سويلەدى.
سوت ءىسى 2021 جىلعى فيلمىنە قاتىستى باستالعان. ءفيلمنىڭ قويۋشى-رەجيسسەرى (قازىر 54 جاستا) جانە رەجيسسەردىڭ كومەكشىسى (34 جاستا) دەپاردە ءتۇسىرىلىم الاڭىندا ادەپسىز پىكىرلەر ايتتى جانە ولارعا ورىنسىز ءتيىستى دەپ ايىپتادى. اتاپ ايتقاندا، ول كەۋدەگە، بوكسەگە جانە جىنىس مۇشەلەرىنە قول جۇگىرتكەن. ولار 2024 جىلدىڭ باسىندا اكتەرگە جىنىستىق زورلىق-زومبىلىق جانە سەكسيستىك ءتىل قولدانۋ باپتارى بويىنشا سوتقا شاعىم ءتۇسىردى. دەپاردەگە 5 جىلعا دەيىن باس بوستاندىعىنان ايىرۋ جانە 75 مىڭ ەۋروعا دەيىن ايىپپۇل سالىنۋى مۇمكىن.
سوت عيماراتى الدىندا 10-عا جۋىق فەمينيست ميتينگكە شىقتى.
ء"بىز قۇربانداردى قولدايمىز", - دەپ جازىلعان ولاردىڭ پلاكاتىندا.
ايىپتاۋ تاراپىن قولداۋعا "زەلەنىە ستاۆني" فيلمىندە تۇسكەن اكتريسا انۋك گرينبەرگ تە كەلدى. ول AFP اگەنتتىگىنە دەپاردەنىڭ ءتۇسىرىلىم كەزىندە ۇنەمى "ادەپسىز سوزدەر ايتقانىن" جانە فيلمگە ونى شاقىرعان پروديۋسەرلەردىڭ ونىڭ قانداي ەكەنىن بىلگەنىن ايتتى.
200-دەن استام فيلمدە تۇسكەن جەرار دەپاردەگە جىنىستىق زورلىق-زومبىلىق بويىنشا بىرنەشە رەت ايىپتاۋلار تاعىلدى. 2023 جىلدىڭ ساۋىرىندە 13 ايەل - اكتريسالار، ستاتيستتەر مەن گريمەرلەر اكتەردىڭ ادەپسىز ارەكەتتەرى تۋرالى مالىمدەگەن ەدى. الايدا بۇل اكتەرگە قارسى سوتقا جەتكەن العاشقى ءىس.
سوت كەمىندە ەكى كۇنگە سوزىلۋى مۇمكىن. ال ۇكىمى كەيىنىرەك جاريالانادى.
