استانادا بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ ءىسى بويىنشا سوت پروتسەسى جالعاسىپ جاتىر، دەپ حابارلايدى “ادىرنا” ۇلتتىق پورتالى.
1 ساۋىردەگى سوت وتىرىسىندا سۋديا ايجان قۇلباەۆا ايىپتالۋشى قۋاندىق بيشىمباەۆتان جاۋاپ الۋ تۋرالى ءوتىنىشحاتتى قاناعاتتاندىردى.
“ايىپتالۋشى سوت تەرگەۋىنىڭ كەز كەلگەن ساتىسىندا جاۋاپ بەرۋگە قۇقىلى. سوتتا دالەلدەردى قاراۋ رەتى بەكىتىلدى. زاڭعا سايكەس، سوت قورعاۋ تاراپىنىڭ ءوتىنىشحاتىن قابىلداۋ قاجەت دەپ سانايدى. كۋاگەر نۇرقايداردان جاۋاپ الۋ اياقتالعان سوڭ سوت سوتتالۋشى بيشىمباەۆتان جاۋاپ الۋعا كىرىسەدى. سودان كەيىن كۋاگەرلەردەن جاۋاپ الۋ جالعاسادى”، - دەدى سۋديا قۇلباەۆا.
ايتا كەتسەك، سالتانات نۇكەنوۆانى ءولتىردى دەپ ايىپتالعان بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ كەزەكتى سوتى القابيلەردىڭ قاتىسۋىمەن ءوتىپ جاتىر. بارلىعى 12 القابي بار، ونىڭ 10-ى نەگىزگى، ەكەۋى قوسالقى. ولار 300 ۇمىتكەردىڭ اراسىنان تاڭدالدى.
