شىعىس قازاقستان وبلىسىنىڭ پروكۋراتۋراسى جاقسىلىق ومار ىسىنە قاتىستى سوت ۇكىمىنە تۇسىنىكتەمە بەردى، دەپ حابارلايدى "ادىرنا" ۇلتتىق پورتالى Tengri-گە سىلتەپ.
بۇعان دەيىن وسكەمەن قالاسىنىڭ قىلمىستىق ىستەر جونىندەگى اۋدانارالىق سوتى اتالعان شەنەۋنىككە قاتىستى قىلمىستىق ءىستى قاراعان بولاتىن. ول اسا ءىرى كولەمدە الاياقتىق جاساۋ جانە پارا الۋ فاكتىلەرى بويىنشا ايىپتالعان.
2026 جىلعى 3 ساۋىردە سوت ۇكىمى جاريالانىپ، جاقسىلىق ومار كىنالى دەپ تانىلدى. سوت وعان 6 جىل باس بوستاندىعىنان ايىرۋ جازاسىن تاعايىنداپ، مۇلكىن تاركىلەۋ، سونداي-اق ءومىر بويى مەملەكەتتىك قىزمەتتە لاۋازىم اتقارۋ قۇقىعىنان ايىرۋ تۋرالى شەشىم شىعاردى. جازاسىن ول ورتاشا قاۋىپسىزدىك مەكەمەسىندە وتەيدى.
پروكۋراتۋرا مالىمەتىنشە، سىبايلاس جەمقورلىق قىلمىستارى ءۇشىن سوتتالعاندارعا امنيستيا مەن شارتتى تۇردە مەرزىمىنەن بۇرىن بوساتۋ نورمالارى قولدانىلمايتىنىن اتاپ ءوتتى.
قازىرگى ۋاقىتتا سوت ۇكىمى زاڭدى كۇشىنە ەنگەن جوق.
